Skip to main content

COMMITTEE ON INFRASTRUCTURE, LUYAG NGA IPADAYON ANG UNGKA FLYOVER KAG PA...


COMMITTEE ON INFRASTRUCTURE, LUYAG NGA IPADAYON ANG UNGKA FLYOVER KAG PASABTON ANG DAPAT MANABAT 

Ginapasalamatan ni 4th District Board Member Rolando Distura si Regional Director Nerie Bueno sang Department of Public Works and Highways Region VI, kaupod kay Assistant Regional Director Jose Al Fruto kag iban pa nga bisita nga nagtambong sa committee hearing sang Committee on Infrastructure nga iya ginapamunuan agud nga mahibaluan ang kahimtangan sang kontrobersyal nga Ungka Flyover.

Ginpabutyag sini nga nahibaluan sa hearing nga ang kontrata sang third-party consultant nga Adam Abinales Engineering and Consultancy matapos sa Hunyo 30, 2023 kag diri mahibaluan kon ano ang kabangdanan ukon kakulangan nga nakita kag mangin rekomendasyon, kag sa tatlo sini isa ang pilion kag kapin sa 250 milion pesos ang kinahanglanon para diri.

Ginpahayag ni Distura nga ang tindog sang iya komitiba amo nga dapat padayunon ang proyekto, pangitaan sang pondo kag dapat may manabat tungod kwarta ini sang pumuluyo.

Nahibaluan man sa hearing nga ang phase 2 kag phase 3 sang proyekto ang wala gintugutan ni Director Bueno nga mabayaran ang kontrakto sang Ungka Flyover. Nag-id-id siya diri tungod man sa mga impormasyon nga iya nabaton kag kon indi niya pag-aktuhan basi sa ulihi siya man ang manabat, ilabi na nga nagsalu lang siya sa sini nga proyekto.

Ginarekomendar sang iya komitiba nga hingyuon ang mga sang Department of Public Works and Highways kag Department of Budget ang Management nga magpasilabot ukon mangita sang paagi sa pagpangia sang pondo para sa gilayon nga pagkay-o sang Ungka Flyover.

Gintalakay man ang trapiko sa sina nga lugar kag hingyuon sang komitiba ang Iloilo City Police Office kag Iloilo Provincial Police Office nga pahamtangan sang pulis ang lugar agud masuportahan ang traffic enfiorcers sang syudad kag sang Pavia agud gilayon nga makaresponder kon may vehicular accident.

Hingyuon man ang mga provincial jeepney operators kag drivers nga likawan nga magkarga ukon diskarga sang pasahero sa tadlong sang Christ the King Memorial Park, dapat didto sila sa sulod sang terminal agud nga indi magdugang ang kagutok sang sina nga lugar.

Ginarekomendar man nga hingyuon ang kontraktor nga International Builders Corp. ukon IBC nga magpahamtang sang automatic floater-type initiated electric pump agud nga kon magsaka ang tubig ukon magbaha kon mag-ulan, gilayon nga may maga-pump sang tubig agud magkulpa ang baha. Ginsiling ni ARD Fruto nga kapin sa 30 metros na lang ang kinahanglanon agud nga matapos na ang cross drainage sa sina nga lugar.

Nalakip man sa pamangkot ang kahimtangan sang Aganan Flyover. Ginahingyo sang komitiba ang Senado nga usisaon man ini bangud suno kay Director Bueno gin-untat man niya ang pagbayad sa proyekto tungod may problema man.

via Sanggunian In Action / FB
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more