DIPERENSYA SA UNGKA FLYOVER, NAKITA SANG NAGHIWAT SANG APAT KA BORE HOLE...

DIPERENSYA SA UNGKA FLYOVER, NAKITA SANG NAGHIWAT SANG APAT KA BORE HOLES ANG DPWH-6 KAG TUHAY ANG RESULTA SA GINHATAG SANG ORIHINAL NGA CONSULTANT

Matapos ang isa ka tuig nga nakumpleto ang first phase ukon ang pile, ginbaton kag nabayaran na sing lubos sang DPWH-6.

Ginpahayag ni Regional Director Nerie Bueno sang Department of Public Works and Highways Region VI nga nagpati siya nga nabase ini sa plans and specifications tungod ini man ang ginpirmahan sang ginbuslan niya nga former regional director nga nagbaton sang phase 1.

Tuhoy naman sa phase 2, nakumpleto na ini apang sang nagsulod siya bilang regional director indi pa ini fully paid rason nga iya ginpauntat ang pagbayad tungod nga may ihibalo siya nga may diperensya nga istruktura.

Sa bahin sang phase 3, halos kumpleto na ukon 98% substantially completed na apang iya man ginpauntat ang bayad. Daku na ang dapat kolektahon sang kontraktor sa ila, apang bangud may problema gani iya nga ginpauntat ang payment.

Agud nga makita kon nasunod ang plano, kon nasunod ang plano kag may diperensya, basi wala sila sang sayop, amo ina nga luyag niya makita ang report para kon sa diin man sila makadangat may yara siya sang basehan.

Sa bahin sang kon sin-o nga persona ang accountable, may plano si DPWH Secretary Manuel Bonoan bangud nagpasad siya sang komitiba nga magatipon sang tanan nga dokumento may kaananan sa Ungka Flyover.

Ginduso ni Bueno nga may third-party contractor agud nga mag-imbestigar para may check and balance. Agud madayon ang pagkinahanglan sa third-party consultancy, ginpalusbutan niya sa ila division sa regional office ang apat ka bore holes kag nakita nga tuhay ang resulta sa ginhatag sa ila sang orihinal nga consultant. Ini ang nangin basehan nga pwersahon niya nga makaangkon sang third-party.

Kon ginpadayon niya, siya ang magaabaga sang problema nga kahibalo siya nga may sayop.

Ginahimo niya ang iya katundanan, kaupod sa ila tiglikom, apang kinahanglan ang tion kag indi angay nga padalion.

via Sanggunian In Action / FB

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog