Skip to main content

DPWH RD NERIE BUENO, GINPA-SURVEY ANG UNGKA FLYOVER MATAPOS NATUKIBAN NG...


DPWH REGIONAL DIRECTOR NERIE BUENO, GINPA-SURVEY ANG UNGKA FLYOVER MATAPOS NATUKIBAN NGA MAY DIPERENSYA 

Ginpahayag ni Regional Director Nerie Bueno sang Department of Public Works and Highways Region VI nga ang Bureau of Design sang DPWH Central Office ang nagkomisyon sa United Technologies Consolidated Partnership ang naghimo sang structural design kag naghiwat sang go-technical investigation sa Ungka Flyover project. 

Pagkatapos nga nakumpleto sang UTCP ang iya kontrata, ginhatag ini sa DPWH-6 para sa implementasyon.

Namangkot si 5th District Board Member Carol-V Espinosa-Diaz kon may yara sang ginsumiter nga variation report kag kon bala nasunod gid ang structural design sang proyekto.

Nagsabat si Bueno nga nagapati siya nga nasunod. Ang Ungka Fly over ginhimo sa tatlo ka phases, ko sa diin ang first phase nabaton na sang DPWH kag sa 'acceptance' nakabutang nga nakumpleto na kag nahuman na base sa plano kag specification. Ang phase 1 yara sa idalom sang duta kag makita man nga ginhimo nila base sa plano.

Gin-athag sini nga nagabase lang siya sa dokumento, ilabi na nga wala pa siya diri sang ginahimo ang proyekto. Samtang sa bahin sang phase 2, nakumpleto na apang iya ginsuspendir tungod may natalupangdan siya nga indi husto. Indi man niya matumod kon diin ang diperensya, gani iya ginahulat ang report sang bag-o nga technical consultant.

Nahibaluan nga ang phase 2 yara na sa ibabaw sang duta. Nakumpleto na sang nagsulod siya diri kag naga-umpisa na ang phase 3 nga malapit naman mahuman. 

Ginsumiter sa iya ang report sang Project Engineer sadtong Setyembre 2022, ukon duha ka bulan matapos nga nagsulod siya diri sadtong Hulyo 2022. Didto na siya gilayon nga naghulag sang nabaton niya ang report, ginpa-survey na niya kag naghingyo siya sang ayuda gikan sa ila central office.

Ginalantaw nila kon ano ang natabu sa desinyo tungod magkatuhay ang result sang geo-technical study nga nakwa sang bag-o nga consultant kaysa sa nauna.

Nagbayad ang DPWH sang masobra 13 million pesos sa bag-o nga consultant kag ang kontrata sini kutob sa Hunyo 30, 2023. Nagsugod sila sang imbestigasyon sadtong tunga-tunga sang bulan sang Marso. 

Ginbuksan ang flyover sadtong Hunyo 2022. Naghaum si Bueno nga wala sang diprensya bangud ginbuksan na sa motorista ang Ungka Flyover.

Aksidente lang sini nga natukiban ang diperensya sang iya natawgan kag nasugilanon ang project engineer nga nagmuno nga may diperensya ang proyekto, iya ginhambalan nga maghimo sang report tuhoy diri. Apang antes sina, sang ila namutikan ang diperensya indi pa siya ang regional director. Ginreport man sang project engineer ang diperensya sa mga nauna nga regional director kag ang ila nangin akto amo nga panilagan ini.

Samtang, namangkot man si 2nd District Senior Board Member June Mondejar kon ano ang nagabug-os sa 3 phases sang proyekto.

Ginpaathag ni Bueno nga ang phase 1 napatuhoy sa sub-structure ukon sa idalom, pile, piers kag casing. Sa phase 2, may mga pile pero gamay na lang. Ang phase 3 amo ang superstructure ukon ang sa ibabaw na. 

Ginpabutyag ni Mondejar nga may '3 players' sa sini nga Ungka Flyover, ukon ang nagdesinyo amo man ang naghiwat sang geo-technical investigation kag ang DPWH nga nagpatuman sini kag ang kontraktor.

via Sanggunian In Action / FB
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more