DUHA KA FLYOVER, NAGATUGA SANG 'MONSTROUS TRAFFIC' SA MGA PUMULUYO

Ginsaysay ni 3rd District Board Member Matt Palabrica ang kabudlay nga ginabatas sang iya kabataan nga mga estudyante, lakip ang iya personal nga eksperyensya sa tagsa adlaw nga maglabay siya sa bahin sang Ungka kon sa diin nahamtang ang flyover.

Ginpahayag sini nga maayo karon nga may two-lanes na nga mas nagligwa na ang dalan kag medyo nagsulhay na ang ilig sang trapiko. Apang base sa eksperyensa niya kag sang iya kabataan, dapat may manabat sa sini nga problema.

Nagapadulong na sa senaryo sa pagsolbar sang problema, apang si sin-o ang manabat.

Ginsiling sini nga nagakaangay lamang nga hingyuon ang bulig sang 'higher level of legisative body' sa pagsuporta sa ila ginahimo nga committee hearing 'in aid of legislation'. Ila man ginalantaw ang mangin masunod nga tikang sang 14th SP bangud yara sila nga magasuporta.

Madugay na ang problema kag tuman na kalawig ang ila pagtililipon nga naugtas, ang mga pumuluyo nagaugtas man.

Ang banwa sang Pavia nagpasar na sang resolution kag may ginhiwat na nga rally nga naga-demand sang accountability.

Ginasuportahan ni Palabrica ang banwa sang Pavia nga nagpasar na sang resolution nga nagahingyo sang Senate inquiry tuhoy sa Ungka Flyover.

Natingala man siya kon ano ang natabu sa Aganan Flyover nga nag-untat man ang trabaho.

Ginpahayag sini nga duha na ka flyover ang nagatuga sang 'monstrous' traffic sa mga pumuluyo sang segundo kag tercer distrito.

Nagapamangkot si Board Member Palabrica kon ano ang sala sang mga pumuluyo sa segundo kag tercer distrito ngaa ginapaantus sila sang kaangay sini.

Tuman na kakapoy para sa ila gani dapat may yara sang dapat nga manabat. May mga solusyon na apang indi dapat nga bulag-bulagan nga puro na lang solusyon. Kon wala sang may manabat, daw sa wala na lang kon may palpak tabunan na lang sang 250 million pesos, daw maginansya pa sila imbis nga mamerdihan ang gobyerno daw sila pa ang nagaginansya.

Ginaduso sini nga magpasar sang resolution ang 14th Iloilo SP bilang suporta sa banwa sang Pavia sa paghingyo sang Senate inquiry.

via Sanggunian In Action / FB

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog