IBC, WALA DIREKTA NAKASABAT KON MAY PERMIT SILA GIKAN SA DENR SA PAGHIWA...

IBC, WALA DIREKTA NAKASABAT KON MAY PERMIT SILA GIKAN SA DENR SA PAGHIWAT SANG JET GROUTING

Nagapasalamat si Regional Director Nerie Bueno sang Department of Public Works and Highways Region VI sa pagpaalinton ni Ex-Officio Board Member Ramon Sullano, ang PCL-Iloilo Chapter President, tuhoy sa epekto sang ginhiwat nga jet grouting sa mga poste sang Ungka Flyover.

Ginpahayag sini nga sa ila bahin sa DPWH-6, wala sila sang may ginkwa nga permit gikan sa DENR tungod nga ang interbensyon nga jet grouting inisyatibo sang kontraktor nga IBC, kag wala ang DPWH naghatag sang instruksyon sa ila nga himuon ini tungod nga ang DPWH-6 wala sang kapabilidad sa sini nga teknolohiya sa pagtuad kon mangin epektibo ini.

Sa tuyo sang kontraktor nga masalbar ang istruktura, naghimo sila sang inisyatibo paagi sa pagpangita sang iban nga consultant kon ano ang himuon agud mapunggan ang pag-usmod agud mapuslan ang istruktura.

Wala sang ideya si Bueno kon nagkwa sang permit sa DENR-6 ang konraktor, apang sa bahin sang DPWH-6 gintuad sini nga wala sila sang may ginkwa nga permit para sa jet grouting.

Wala direkta nga nakasabat ang tiglawas sang IBC kon may yara sila sang ginkwa nga permit sa DENR-6, iya pa nga pamangkuton ang ila opisina tuhoy diri.

Samtang, namangkot si 2nd District Senior Board Member June Mondejar kon ano ka-epektibo ang ginhiwat nga jet grouting.

Nagsabat si Bueno nga bisan pa ang ila talatapan nga Bureau of Design wala nagakabig sa jet grouting bilang permanente nga solusyon sa problema, ukon temporaryo lamang ini agud mauntat ang pag-usmod, apang suno sa siling sang consultant nga dapat dugangan sang pile agud nga mapabakod ang istruktura.

Samtang, ginpahayag ni 2nd District Board Member Rolito Cajilig nga ang katuyuan sang paghiwat sang konsultasyon (committee hearing) amo ang pag-angkon sang solusyon sa problema, gina-istoryahan ang mga remedyo - ang jet grouting, kag mga epekto sini.

Nagapati si Cajilig nga pauna lang ini sang posible mas daku nga imbestigasyon sa palaabuton.

via Sanggunian In Action / FB

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog