Skip to main content

ILEGAL NGA DRUGA SA ILOILO, NAGDATA


ILEGAL NGA DRUGA SA ILOILO, NAGDATA

Nakabati si 2nd District Senior Board Member June Mondejar sa pahayag ni Iloilo Provincial Police Office Director PCol. Ronaldo Palomo nga madata kag maka-alarma ang paglapta sang ilegal nga druga sa probinsya sang Iloilo.

Ginsiling sini nga nakibot siya sa sini nga pahayag apang nagapati siya nga posible man ini tungod nakita sang mga drug traffickers, users kag pushers nga daw nahatagan sila sang ligwa sa paghalin ni Presidente Rodrigo Duterte. Nangin maid-id ang kampanya batok sa ilegal nga druga sa panahon ni anay Presidente Duterte kon sa diin madamo ang nagkalamatay, may mga alkalde nga na-link sa ilegal nga druga nga nagkalamatay; may mga drug lords, pushers kag personalities nga nagkalamatay kag may yara man sang nagkaladakpan.

Sa sina nga panahon, nangin signipikante ang pagtahaw sang ilegal nga druga indi lang sa probinsya sang Iloilo, kundi lakip sa bug-os nga Pilipinas.

Sa karon nga administrasyon ni Presidente Bongbong Marcos, ginalantaw sang mga drug traffickers, pushers kag users, ang mga nagapangabuhi sa sini nga ilegal nga druga, naligwahan sila, wala sila sang katahap, wala sang kahadlok gani ila ginpasanyog ang ila illegal activities paagi sa pagbaligya kag paggamit sang ilegal nga druga.

Tungod sa sini nga mga lihok, nagaresulta ini sa magkatuhay man nga krimen. 

Tungod man sini posible nga nahambal ni Col. Palomo nga nagduging, nag-rampant kag alarming ang ilegal nga druga diri sa probinsya sang Iloilo.

Samtang, ginadayaw ni Mondejar si Palomo sa pag-aku sang sini nga sitwasyon. Sa sini, mahibaluan sang mga opisyales sa probinsya kag sang mga pumuluyo ang matuod nga sitwasyon. Manami ang IPPO director tungod may kaisog sa pagpahibalo kon ano gid ang matuod nga sitwasyon tuhoy sa ilegal nga druga.

Dapat makahimo sang mga istratehiya ang kapulisan kag PDEA agud nga ma-address ang pagdata sang ilegal nga druga sa probinsya sang Iloilo. Dapat man ini nga buligan sang mga opisyales sang probinsya, kabanwahanan kon ano ang ila mabulig, kag labi pa gid ang mga barangay officials nga yara gid sa forefront sa kampanya batok sa ilegal nga druga kag ini man ang rason kon ngaa may yara sang Barangay Anti-Drug Abuse Council ukon BADAC.

Ginapanugyan sini sa kapulisan kag PDEA nga tun-an kag pungkuan kon ano nga istratehiya ang angay nga himuon. Dapat buligan sang pumuluyo kag opisyales, ukon whole of province approach, agud mangin ang kampanya kag indi lang pag-isalig sa PNP kag PDEA.

Ginalauman sini nga mangin isa ka agenda nga istoryahan sa Provincial Peace and Order Council. Ginapresentar sang PDEA kag IPPO kon ano ang sitwasyon sang ilegal nga druga sa Iloilo. 

Ginapanugyan sini sa pumuluyo nga dapat paminsaron ang negatibo nga epekto sang ilegal nga druga, ilabi na sa pamatan-on nga maguba ang ila puturo, ang ila pagtuon kag kabuhi.

Tinguhaan gid nga matapna tungod madamo ang mahalitan. Buligan naton ang PNP kag PDEA agud nga matapna ukon mahagan-hagan ang insidente sang ilegal nga druga sa probinsya sang Iloilo.

via Sanggunian In Action / FB
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more