Skip to main content

PROVINCIAL FINALISTS SANG LTIA, GINADUSO NI BM PAES NGA HATAGAN SANG REW...


PROVINCIAL FINALISTS SANG LUPONG TAGAPAMAYAPA INCENTIVES AWARDS (LTIA), GINADUSO NI BOARD MEMBER PAES NGA HATAGAN SANG REWARDS KAG RECOGNITION 

Nagduso si Ex-Officio Board Member Dorothy Paes, ang Liga ng mga Barangay - Provincial Federation President, sang ordinansa nga nagatuyo nga maghatag sang rewards kag recognition sa mga provincial nominees sang Lupon Tagapamayapa.

Nahibaluan nga naghiwat sang Committee Hearing ang Committee on Barangay Affairs nga ginapamunuan ni Ex-Officio Board Member Dorothy Paes, Liga nga mga Barangay - Provincial Federarion President, sadtong Huwebes, Mayo 25, 2023, sa SP Session Hall, Iloilo Provincial Capitol.

May kaantanan ini sa ginaduso niya nga ordinansa nga iya gin-author nga Proposed Provincial Ordinance No. 2022-11-15 nga may tigulo “AN ORDINANCE GIVING REWARDS AND RECOGNITION TO THE PROVINCIAL FINALISTS OF THE LUPONG TAGAPAMAYAPA INCENTIVES AWARDS (LTIA) IN THE PROVINCE OF ILOILO AND APPROPRIATING FUNDS THEREOF”.

Ginpabutyag sini nga kada tuig may mga nominees ukon may mga entries ang probinsya sang Iloilo apang pagkatapos sang kompetisyon wala sang may ginakabig nga incentive awards para sa provincial nominees. Nagadiretso sila sa regional competition kag diri lang sila makakwa sang certificate of recogntion kag cash incentives.

Tungod sini, napinsaran niya nga magbuhat sang ordinansa agud nga mahatagan man sila diri sa probinsya kag maganyat sila. 

Nahibaluan nga ang Lupong Tagapamayapa amo gid ang katuwang sa tanan nga problema sa barangay, ilabi na sa mga kaso nga nagatuhaw sa kabarangayan.

Ginpaathag sini nga may mga entry nga nagasulod sa provincial level, diri pilion ang nominee para sa regional kag sa lakip man sa national. 

Bangud sa kadamo sang mga requirements, ang iban nga barangay ang wala naga-intresar nga magpasakop bangud sa kadamo sang dokumento nga dapat isumiter kag masiling man nga bangud tuman ka gasto.

Sadto, may yara lang sang apat ka entry. Apang karon, may bag-o nga memorandum nga agud ma-qualify bilang nominee dapat may 10 cases sa bug-os nga tuig nga na-indorso sa Lupong Tagapamayapa. Sadto, mahimo na ma-qualify ang may isa lang ka kaso nga gina-aturgar ang Lupon.

Ang 10 ka kaso dapat naresolbar sang Lupon. Ginasiling nga kon madamo sang kaso, mas ma-practice ang techinical strategy sa pagresolbar sang kaso.

May nagayamo nga mga Liga Chapter President sadtong ginhiwat ang committee hearing tungod nga may yara sang 12 ka tuig na nga nagapungko sa Lupon apang isa lang ka kaso ang iya na-indorso sa Lupon.

Sa iya nga bahin bilang punong barangay, ginatinguhaan niya nga maresolbar na ang kaso sa iya nga levek kag wala na ginapalab-ot pa sa Lupon. Ginakabig nila nga mahina sila nga sahi sang punong barangay kon makalab-ot pa sa Lupon ang kaso.

Ginsuhestyon nila sa DILG nga kon mahimo pa lang panubuan ang requirements sa isa, ukon duha, ukon tatlo lang ka kaso. Ginsiling sini nga ang 10 ka kaso ang posible sa Luzon area tungod nga daku ang ila populasyon kag posible malauman ang madamo nga kaso. Apang diri sa Iloilo, makabig nga malinong man ang kabarangayan kag ini man ang rason nga manubo ang kaso.

Para sa iya, okey lang nga indi mangin nominee sang Best Lupong Tagpamayapa tungod ginatinguhaan niya nga indi magdamo ang kaso sa iya barangay. Ginatinguhaan niya nga maglinong ang iya barangay. Kon lagson nga magdamo ang kaso nga ma-indorso sa Lupon, daw indi maayo ang feedback para sa iya. Tanan nga punong barangay nagatinguha gid nga ma-areglo ang mga kaso sa ila nga level.

Ginsuhestyon man nila sa DILG nga i-categorize, ang wala sang kaso hatagan sang award, ang madamo sang na-areglo hatagan man sang award. 

Ginkalipay sang mga Lupong Tagapamayapa nga nagduso siya sang ordinansa nga mahatagan sila sang pagkilala kag gamay nga cash incentives para ma-motivate sila kag may panggasto sa pagpasa sang mga dokumento. Nalipay sila nga sa provincial level may kwaon sila bisan paano.

Ginalauman nga maga-epekto ang ordinansa, kon matigayon nga mapasar dayon, sa masunod nga tuig tungod natapos na ang kompetisyon sa sini na tuig. May validation na nga ginahiwat sa mga entry, maga-award na kag magapadulong na sa regional kag national level.

Ang Outstanding Lupong Tagapamayapa sa 1st to 3rd Class Municipality, magabaton ang Champion sang 30 mil pesos, ang 1st runner-up hatagan sang 20 mil pesos kag ang 2nd runner-up may 10 mil pesos kag tanan sila hatagan man sang Certificate of Recogniton. Sa bahin sang 4th to 6th Class Municipality, kaangay man nga balor sang  premyo ang ila pagabatunon kag certificate of recognition.

Daku nga bulig para sa ila ang premyo nga mabaton, mahatagan-hagan man ang ila gasto sa ila mga dokumento nga ginatinguhaan nga mapasa.

Mayoriya sa mga katapo sang Lupong Tagapamayapa nagaboluntaryo lamang bisan pa nga ang iban nga barangay nagahatag sa ila sang kompensasyon. Ginatapuan ini sang mga retirado nga abogado, retirado nga manunudlo, mga retirado nga propesyunal.

Ginapasalamatan sini ang tanan nga Lupong Tagapamayapa sa bug-os nga probinsya sang Iloilo. May yara sang 1,721 ka barangay ang probinsya kag ang kada barangay may yara sang Lupon Tagapamayapa. Ginapasalamatan sini ang ila boluntaryo nga pagserbisyo sa kabarangayan sa pihak nga wala sang allowances nga mahatag sa ila ang barangay, magluwas lang sa iban nga barangay nga may kapasidad nga maghatag sang bisan gamay lang nga kompensasyon.

via Sanggunian In Action / FB
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more