SAN JOAQUIN MOTHER AND CHILD HOSPITAL, GINDUSO NGA MANGIN 25 BED LEVEL-1...

SAN JOAQUIN MOTHER AND CHILD HOSPITAL, GINDUSO NGA MANGIN 25 BED LEVEL-1 GENERAL HOSPITAL

Gin-aprubahan unanimously sang mga katapo sang 14th Sangguniang Panlalawigan ng Iloilo nga nagtambong sa 48th Regular Session ang Proposed Resolution No. 2023-06-35 nga ginduso ni 1st District Board Member Marcelo Valentine Serag.

Nahibaluan nga ang Proposed Resolution No. 2023-06-35 may tigulo “A Resolution Requesting the Department of Health to Upgrade the San Joaquin Mother and Child Hospital From Infirmary to a Twenty-Five (25) Bed Level–1 General Hospital”.

Paagi sa gahum sang Provincial Ordinance No. 2018-191, ang San Joaquin Mother and Child Hospital ginsugpon bilang District Hospital kag ginpahamtang sa idalom sang pagdumala sang Hospital Management Office sang Iloilo Provincial Government.

Santu sa Provincial Ordinance No. 2018-191, ang Iloilo Provincial Government kag Municipality of San Joaquin may kasugtanan nga isaylo ang operation sang San Joaquin Mother and Child Hospital sa Iloilo Provincial Government nga amo ang magapatigayon sang pagpalisensya kag pag-upgrade sang ospital.

Nahibaluan nga ang San Joaquin Mother and Child Hospital lisensyado karon bilang infirmary nga may 10 bed capacity, gani, may limitado nga kapasidad sa paghatag sang health services sa iya mga kliyente. sa karon, ang San Joaquin Mother and Child Hospital nakalab-ot na sa 188.74% sa iya otorisado nga bed capacity.

Ang mga pasilidad sa karon sang ospital ang ginalakipan na sang mga serbisyo sang isa ka general hospital kaangay sang emergency room, operating room, clinical services, ancillary and support services kaangay sang clinical laboratory, imaging facility, pharmacy kag CT-scan.

Kinahanglan na nga i-upgrade ang lisensya sang San Joaquin Mother and Child Hospital agud ma-maximize ang iya mga kapabilidad sa karon kag masabat ang nagadamo nga hospitalization needs sang mga pasyente nga kadamuan gikan sa first district sang Iloilo kag katupad nga mga banwa sang probinsya sang Antique.

Angot sini, iya ginduso ang resolution nga nagahingyo sa Department of Health nga i-upgrade ang San Joaquin Mother and Child Hospital gikan sa infirmary nga mangin 25 bed Level-1 General Hospital.

via Sanggunian In Action / FB

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog