UNGKA FLYOVER, MA-TENGGA (STANDBY) KON INDI MAPONDOHAN PARA MAKAY-O

Nagpahayag si 2nd District Board Member Rolito Cajilig sa committee hearing sang Committee on Infrastructure tuhoy sa kahimtangan sang Ungka Flyover nga ang ila ginahimo 'is in aid of legislation' kag kon kinahanglan nga magpasar sang resolution agud hingyuon sa national governnment nga painan sang pondo agud nga makay-o na ang flyover, ila ini nga himuon bilang bulig.

Ginpahayag sini nga padayon nga magadugay kon masami man nga mangita sang sala sa kon kay sin-o. Ginabasol sang pumuluyo ang mga tawo nga yara sa gobyerno tuhoy diri.

Ginapamangkot sini kon ano ang plano sang DPWH pagkatapos sang geo-technical investigation.

Ginpabutyag ni Regional Director Nerie Bueno sang Department of Public Works and Highways Region VI nga kon mabaton na nila ang report, lakip na diri ang plano kag tanan nga himuon. Ginsiling sang consultant nga may tatlo ka scheme nga pagapilian. Nagadepende na sa central office kon ano nga scheme ang ila adoptaron nga pagkorehir sa flyover, lakip man diri ang gastuhon ukon pila ang kinahanglanon nga pondo kag diri na sila magahingyo para sa pondo.

Gintuad sini nga mangin problema ang funding tungod indi sila kahibalo kon san-o maabot ang pondo bangud iya na ina sang DBM ang paghatag sang pondo kag wala sila sang kontrol tuhoy diri.

Namangkot man si Cajilig kon nagapaminsar si Bueno nga pasakaan sang kaso ang kontraktor.

Nagsabat si Bueno nga indi niya ini mahimo gilayon tungod wala siya sang pruweba bangud wala pa sang report, kag indi pa siya makahibalo kon sin-o gid man ang nakasayop. Ginsiling sini tatlo ka partido ang imbolbado (UTCP, IBC, DPWH) kag ang mga tawo nga imbolbado ato didto sa ibabaw, bisan sa bahin sang DPWH nga mga Presidential Appointee ukon appointee sang Secretary kag ang iya co-equal ang indi niya pwede nga kwestyunon.

Himuon sini ang iya masarangan kag magapokus siya anay karon kon paano masolbar ang problema kag ang tanan nga accountability ang magasunod na lamang. Mas manami ini kaysa sa dalion nga maghambal nga indi man gali husto kag basi daku nga halit ang matuga sa tawo nga wala man gali sang sala, mabudlay ang ini nga sitwasyon.

Ginbungat ni Bueno nga kon wala pa sang kwarta ukon pondo para sa pagkay-o, ma-standby ang Ungka Flyover.

Ginpabutyag naman ni 2nd District Senior Board Member June Mondejar nga sa tatlo ka 'player' (IBC, UTCP, DPWH), may isa ukon duha nga accountable sa sini nga kaso.

via Sanggunian In Action / FB

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog