Skip to main content

VERTICAL DISPLACEMENT DATA SANG UNGKA FLYOVER, GIKAN MISMO SA GINAHIWAT ...


VERTICAL DISPLACEMENT DATA SANG UNGKA FLYOVER, GIKAN MISMO SA GINAHIWAT NGA SURVEY SANG DPWH-6

Namangkot si Ex-Officio Board Member Ramon Sullano kon sa diin naghalin ang report nga ginpagwa sa mga katapo sang media tuhoy sa resulta sang imbestigasyon sang third-party consultant, nga amo man ang nagduso sa ila nga hingyuon ang opisyal nga resulta sang imbestigasyon.

Ginpahayag ni Regional Director Nerie Bueno sang Department of Public Works and Highways Region VI nga gikan mismo sa ila sa DPWH-6 ang datus tuhoy sa vertical displacement sang mga piers sang Ungka Flyover. 

Ginsiling sini nga sang tion nga ginreport sa iya ang tuhoy sa flyover, kada semana ginapa-survery niya agud makita niya kon dalayon ini nga naga-usmod. Ini ang kabangdanan kon ngaa may nakwa sila nga datus, kon pila ang gin-usmod sang piers 4, 5, kag 6 kag ang iban pa nga piers ang naga-usmod apang minimal lamang.

Ginpabutyag sini nga ang may pinakadaku nga displacement amo ang piers 4, 5 kag 6 kag ang ini nga datus ang indi gikan sa consultant kundi gikan mismo sa DPWH-6.

Ginpatpat sini nga sadtong ginhiwat ang sinapol nila sa NEDA-6, nagkomiter ang consultant nga isumiter ang iya report sa katapusan sang Mayo. Magluwas sa sini nga commitment, nagpresentar na ang consultant angot sa mga natapos na niya, kabahin sang iya kontrata nga natapos na ang ginpresentar na niya sa mga nagtambong sa sinapol.

Suno sa iya, ini ang rason kon ngaa may partial result na nga nakita ang mga katapo sang media. Posible diri nila nakita, apang ang official submission sang consultant sa DPWH sang report ang wala pa.

Samtang, namangkot man si 5th District Board Member Carol-V Espinosa-Diaz kon padayon pa nga naga-usmod base sa ginahimo nga independent investigation sang DPWH sa Ungka Flyover.

Nagsiling si Bueno nga sang ginreport sa iya, dapat may himuon siya kag agud mapamatud-an nga naga-usmod, naghiwat sila sang survey kada semana kag diri nakita nga naga-usmod. 

Gintuad sini nga nag-untat ang pag-usmod sang nagkomisyon ang kontraktor para sa jet grouting ukon ginsaksakan sang kongkreta ang piers 4, 5 kag 6 agud mag-untat, apang indi ini ang permanente nga interbensyon.  

Matapos nga ginhiwat ang jet grouting, nag-untat ang displacement. Nagapati sila nga indi na mag-usmod pa kon indi mapabug-atan ang flyover ukon magapabilin ini sa iya kahimtangan tubtob nga masuguran ang interbensyon. 

Ginsiling sang project manager nga tiglawas sang International Builders Corporation (IBC) nga nag-umpisa sila sang jet grouting sadtong Oktubre tubtob Disyembre 2022. 

Ginklaro naman ni Bueno nga ang piers 4, 5 kag 6 amo ang ginbutangan sang jet grouting apang ang iban pa nga piers sa kabug-usan nga 16 ka piers ang may minimal nga displacement kag wala nabutangan sang jet grouting sang kontraktor.

Suno sa IBC, tungod nga minimal ang settlement sang iban pa nga mga piers, magahulat na lang sila sa kon ano pa ang maayo nga himuon para dira.

via Sanggunian In Action / FB
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more