OPISYAL NGA KOPYA SANG REPORT TUHOY SA UNGKA FLYOVER, WALA PA NABATON SA...

OPISYAL NGA KOPYA SANG REPORT TUHOY SA UNGKA FLYOVER, WALA PA NABATON SANG ILOILO SANGGUNIANG PANLALAWIGAN

Wala pa sang may nabaton nga opisyal nga kopya sang report si 4th District Board Member Rolando Distura gikan sa Department of Public Works and Highways Region 6 tuhoy sa rekomendasyon sang third-party consultant nga Adam Abinales Engineering and Consultancy.

Ginpahayag ni Distura nga sa iya pagkahibalo may yara na sang rekomendasyon ang third-party consultant suno man sa mga impormasyon gikan sa iya mga kilala sa DPWH-6 kag posible nga paabuton na lamang.

Ginsiling sini nga importante nga sa Regional Development Council meeting sang Committee on Infrastructure yara na ang final report kag final recommendation.

Sa iya pagkahibalo, madamo sang ginkonsiderar nga posible idugang, ginalantaw na sang DPWH kon ano ang mangin sistema ukon procedure, basi partly saraduhon liwat ang dalan ukon basi ang bug-os nga area ang saraduhon liwat, wala lang kita kahibalo sang pinal nga detalye.

Importante, suno kay Distura, nga yara na ang final report, yara na ang mangin pinal nga rekomendasyon, kag ang aton ginasigahom, ginapangamuyo nga kabay pa makakita na sang pondo tungod nga sa ila resolution sa Provincial Board nga hingyuon si DPWH Secretary Manuel Bonoan, sa DBM kag sa iban nga funding agency nga basi may source of fund nga wala nagasto nga pwede magamit para sa 250 million pesos nga pag-reinforce sa Ungka Flyover.

Nahibaluan nga may tatlo ukon apat ka rekomendasyon nga pagapilian sang DPWH kag lantawon nila ang nagakabagay; kon nakapili na, mangita naman sang pondo; kon may pondo na, ipaidalom naman sa bidding kon may intresado naman nga mag-obra sang reinforcement.

Nagakasubo si Board Member Distura nga, batunon naton ang realidad, medyo malawig pa ang tion nga aton hulaton.

Nahibaluan nga ginrekomendar man sang iya komitiba nga pabutangan sang submersible pump agud indi magpondo ang tubig-baha, ang pagtapos sa ginahimo nga drainage canal, ang paghingyo sa mga alkalde sang syudad sang Iloilo kag banwa sang Pavia nga dugangan ang traffic enforcers, sa mga driver nga indi magdulog sa atubang sang Christ the King Memorial Park kag dapat sulod gid sa Ungka Terminal, kag sa kapulisan sang syudad kag probinsya nga pahamtangan sang pulis nga gilayon makaakto kon may vehicular accident nga magluntad.

Nahimo na sang Committee on Infrastructure sang 14th SP ang tanan sini nga masarangan, sa sakop sang iya gahum kag katungdanan, nga makabulig sa sitwasyon sang Ungka Flyover lakip na ang sa bahin sang Aganan Flyover nga lunsay ginapangabay nga talupangdon man sang Senado kag Kongreso.

via Sanggunian In Action / FB

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog