BAROTAC NUEVO FOOTBALL TEAM, NAGHATAG SANG DUNGOG SA PROBINSYA SANG ILOILO

BAROTAC NUEVO FOOTBALL TEAM, NAGHATAG SANG DUNGOG SA PROBINSYA SANG ILOILO MATAPOS NANGIBABAW SA PINTA FLORE NATIONAL FOOTBALL TOURNAMENT

Nakalinya sa programa ni Governor Arthur Defensor, Jr. sa probinsya sang Iloilo ang grassroots sports development program sang banwa sang Barotac Nuevo, Iloilo.

Ginpahayag ni 4th District Board Member Domingo Oso, Jr. kag isa man sa team managers sang Barotac Nuevo Football Team nga ila gin-hire si Tom Escultero agud nga ma-align ang development sang football sa probinsya sang Iloilo kag banwa sang Barotac Nuevo.

Ginhingyo gid sini si Barotac Nuevo Mayor Bryant Paul "BP" Biron nga i-hire si Ian Araneta bilang bahin sang staff sa football development, kaupod sang mga coaching staff gikan sa magkatuhay nga football club.

Gintingob kag ginhanas ang mga players gikan sa magkatuhay nga football club kag gin-handle ni Ian Araneta, kaupod kanday Harold Bayona, Nathaniel Boblo, Wilson Derutas, Jr. kag Arlo Martinez.

Nahibaluan nga ang Pinta Flores National Football Tournament tuigan nga lihok kag sang nagligad nagdaug man ang ila hubon sa Under 19 Category kon sa diin si Board Member Oso man ang team manager sadto.

Sa sini nga tuig, nagpadala sila sang contingent gikan sa Barotac Nuevo kag nagpaindis-indis kag nangibabaw batok sa 11 ka magkatuhay nga football team gikan sa Mindanao, Cebu, Bohol, Negros Occidental kag Oriental.

Ginpabutyag sini nga ila ipadayon ang paghanas sa sini nga mga kabataan, i-expose sila sa mga tournament, kag pa-intrahon naman sa iban nga kategoriya, kag kon may pondo magapasakop sila sa international tournament sa Singapore, Malaysia kag iban pa.

"Ang utok nila kalabanan sa tiil, indi sa ulo, that's why they are very skillful basta football lang," suno kay Oso.

Gina-maintain sang Barotac Nuevo ang ini nga lihok tungod nga ini ang programa ni Mayor BP Biron, Congressman Dok Ferj Biron, kaupod kay Governor Arthur Defensor, Jr. kag sa mga coaching staff nga magabuyluganay kag maga-develop sang mga humalampang gikan sa grassroots level, kag basi sa ulihi mangin players na sila sang Kaya Football Club.

Nahibaluan nga may mga players na sila nga nagahampang karon sa University of Santo Tomas, sa Far Eastern University kag iban pa.

via Sanggunian In Action / FB

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog