PREPARASYON, PAGHUGPONG KAG SUPORTA, NANGIN LYABE SA KADALAG-AN SANG BAR...

PREPARASYON, PAGHUGPONG KAG SUPORTA, NANGIN LYABE SA KADALAG-AN SANG BAROTAC NUEVO FOOTBALL TEAM

Tuman ka preparado ang Barotac Nuevo Football Team sa ila paghampang sa Pinta Flores National Football Tournament sang damlag lang kabangdanan nga nagpangibabaw sila batok sa ila mga kasumpong.

Ginpahayag ni Head Coach Ian Araneta nga wala nagmadinalag-on ang ila hubon kon wala sa bulig sang mga coach, sports coordinator, consultant, ni Mayor Bryant Paul Biron "BP" Biron kag Congressman Ferj Biron.

Ginbuyagyag sini nga antes ila nagpadulong sa kompetistyon, tuman ka preparado ang mga kabataan nga humalampang sang football kag ginplano nila kon ano nga sistema ang ila pagahimuon antes magsulod sa torneyo.

Ginapabugal sini ang ila mga players tungod nga lunsay disiplinado kag ang ila team work nga nagpangibabaw agud nga mangin kampiyon sa sini nga hampang.

Gintumod man sini ang team effort nga nagresulta sa mabinungahon nga pag-agom sang kadalag-an ilabi na nga madamo ang nagasuporta sa ila hubon.

Luyag nila nga magpabilin nga intact ang ila hubon, dapat indi pagpabay-an ang mga players tungod may liga pa nga Under 17 kag Under 19 kag sila sa gihapon ang maga-compete sa sini nga kategoriya. Tungod nga kadamuan sa ila mga taga-Barotac Nuevo, sila man ang maga-representar sa masunod nga Palarong Pambansa. Gintuad sini nga ini ang ila sports development program sa banwa sang Barotac Nuevo, Iloilo.

Gikan sa magkatuhay nga football club ang mga players nga ini kag posible may mga bata pa nga wala natukiban nga nagahampang sa ila barangay kag ini ang ginatultol sang ila mga coach agud nga mahanas man sila kag mahatagan sang kahigayunan nga mapasundayag ang ila abilidad sa sini nga hampang.

via Sanggunian In Action / FB

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog