Skip to main content

SUPPLEMENTAL BUDGET PARA SA INCENTIVES SANG MGA ATLETA GINAHIKUTAR SANG ...


SUPPLEMENTAL BUDGET PARA SA INCENTIVES SANG MGA ATLETA NGA NAKAAGOM SANG MEDALYA, GINAHIKUTAR SANG ILOILO PROVINCIAL GOVERNMENT

Ginduso ni Vice Governor Christine "Tingting" Garin kag gin-aprubahan sang 14th Sangguniang Panlalawigan ang ordinansa nga nagahatag sang insentibo sa mga humalampang nga nakaagom sang medalya sa mga sports events. 

Ginpahayag ni 4th District Board Member Domingo Oso, Jr. nga amo man ang Chairman sang Committee on Appropriations nga ang problema tungod wala pa napainan sang badyet tungod nga bag-o lang napasar ang ordinansa, gani mangingaw sila sang supplemental budget kag kon pila lang ang available amo lang anay ang mahatag sa mga nagdalaug sa sports competition sa national kag international level.

Ginsiling sini nga sa masunod nga tuig malakip na ang badyet para sa paghatag sang incentives kag rewards sa mga nagdalaug, ilabi na sa national kag international sports competitio.

Ginpabutyag sini nga bilang chairman sang Committee on Appropriations iya ginalauman nga mapangitaan sang pondo, ilabi na nga komporme si Governor Arthur Defensor, Jr. sa sini nga ordinansa tungod importante nga mahatagan sang dungog, magluwas sa certificate of commendation, may incentives kag rewards man sila bisan diutay lang agud makita nila nga ginahatagan sila sang importansya sa ila paghimakas kag sa ila pagpangabudlay.

Mangin manami ini nga ordinansa kag mga insentibo, suno kay Oso, nga maduso para sa  mga kabataan nga magpangibabaw pa gid sa iban nga sports activities.

Madamo sang mga sektor nga nagabulig sa mga humalampang, ginhalimbawa sini sa ila banwa sa Barotac Nuevo nga magluwas sa local government unit, sa kay Mayor BP Biron, sa kay Congressman Ferj Biron, may mga business sector kag football enthusiasts nga nagabulig sa pagsuporta, ilabi na sa pagpalakat sa mga hubon. 

Gindumdom sini nga sadtong nakaligad nga tuig sa football tourmanent sang Under 19 category, naggasto ang Iloilo Provincial Government sang kapin sa 600,000 tubtob 700,000 pesos, kag nakatipon siya sang kapin sa 300,000 pesos nga amot para may balon ang kabataan. Sa bahin sang team sports,  kinahanglan ang kaangay nga pondo para sa ila housing ukon gastuhan sang 15 ka adlaw para mahanas, ma-develop ang ila abilidad, kag mag-isa sa ila paghulag magluwas sa ila indibidwal nga kinaiya. 

Nagabulig gid siya bisan gamay lang tungod nga ang ila banwa nakilala na sa hampang nga football. Luyag nila nga i-develop ang football bangud madamo na sang kabataan ang nag-ayuhan ang pangabuhi tungod lang sa football skills nila. 

Ginapanginbulahan sini ang mga atleta nga nagpangibabaw sa Palarong Pambansa nga ginhiwat sang damlag lang. Madamo sang mga Ilonggo ang naghakot sang medalya kag panugod ini sang development nga mag-excel kita sa sports.

Ginpahayag sini nga sa bahin sang Iloilo Provincial Government, kay Governor Arthur Defensor, Jr., sa ila sa Sangguniang Panlalawigan, kay Vice Governor Christine "Tingting" Garin, kag mga kaupod, kag sa iya bilang Chairman sang Committee on Appropriations, nagatinguha gid sila kon ano ang ila mabulig sa mga atleta agud nga ma-develop, ma-upgrade kag mag-excel sila, ginsuportahan ini sang executive department kag legislative department, gani sibu gid ang ginduso nga ordinansa ni Vice Governor Christine "Tingting" Garin nga gin-aprubahan nila sa Provincial Board nga mahatagan sang rewards and incentives ang mga kabataan nga nag-excel sa sports.

via Sanggunian In Action / FB
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more