Iloilo News and Events

Gin-aprubahan sang 13th Sangguniang Panlalawigan ng Iloilo ang urgent request gikan kay Governor Arthur Defensor, Jr. angot sa 5 million pesos nga ibakal sang basin para sa 1,181 ka pamilya sa probinsya sang Iloilo. Sa interview sang mga katapo sang Iloilo media, ginpahayag ni Vice Governor Christine 'Tingting' Garin nga ginhatagan nila sang otoridad agud makapirma sa memorandum of agreement sa tanan nga mga alkalde, lakip sa kabarangayan kag mga benepisyaryo. "Diri sa province of Iloilo damo pa gid ang wala pa sang sanitary toilet. But, hopefully ini ya makadugang-dugang lang, only about five percent sang wala (basin) ang mahatagan naton subong," ang kabahin sang pahayag ni Vice Governor Christine 'Tingting' Garin. Ginsiling sini nga nakibot siya bangud base sa lista ang banwa sang San Dionisio may masobra 100 ka pamilya ang wala sang basin samtang ang iban nga banwa ang may lang sang duha ukon apat ka pamilya. Gindugang sini base sa report sang Provincial He

Ginapasalamatan gid sang bise gobernador ang tanan nga nag-intra sa pagsaulog sang Oca Garin Day sadtong Enero 22, 2022. Sa interview sang mga katapo sang Iloilo media, ginapalab-ot gid ni Vice Governor Christine 'Tingting' Garin ang pagpasalamat ilabi na nga madamo sang kabanwahanan sa first district sang Iloilo ang nag-intra kag lakip man ang iban pa nga mga pumuluyo sa iban nga lugar. 'Nagapasalamat gid ako, bal-an ko we have a lot of friends sa bisan diin nga kabanwahanan nga naghatag sang discount, ang iban freebies," ang kabahin sang pahayag ni Vice Governor Christine 'Tingting' Garin. Ginsiling sini nga nagapasalamat gid siya kag ang bug-os nga pamilya Garin sa pagdumdom kag pag-recognize kay Oca Garin apang ang importante amo ang lesson nga ginhatag niya sa aton nga mag-share sa kutob sa masarangan. Nahibaluan nga aprubado na ang Provincial Ordinance No. 2022-265 may tigulo "An Ordinance Declaring January 22 of Every Year as Oscar 'Oca' Gar

Ginduso ni 5th District Board Member Nielito Tupas bilang sponsor kag co-sponsor ang tanan nga katapo sang 13th Iloilo SP nga nakatambong sa 123rd Regular Session ang resolution nga may tigulo "A Resolution Expressing the Heartfelt Gratitude, Deepest Sympathies and Profound Condolences of the Sangguniang Panlalawigan on Behalf of the Province of Iloilo to the Bereaved Family of Provincial Legal Office Attorney IV Edgar Claudio Octaviano Sumido." via Sanggunian In Action #iloilonews

Gin-aprubahan unanimously sang tanan nga nagtambong nga mga katapo sang 13th Sangguniang Panlalawigan ng Iloilo sa 123rd Regular Session ang Provincial Ordinance No. 2022-266 sa Third and Final Reading.               Nahibaluan nga ang Provincial Ordinance No. 2022-266 may tigulo "An Ordinance Establishing a Mental Health Program in the Province of Iloilo Thereby Integrating a Mental Health Service Delivery System in the Public Health System and Appropriating Funds Therefor and For Other Purposes." Ang mga author sang sini nga Ordinansa amo sanday 5th District Board Member Nielito 'Doc Darling' Tupas, Vice Governor Christine 'Tingting' Garin, 5th District Board Member Carol-V Espinosa-Diaz, 3rd District Board Member Matt Palabrica, 4th District Senior Board Member Rolando Distura, 3rd District Board Member Jason Gonzales, Ex-Officio Board Member Dorothy Paes kag Ex-Officio Board Member Angelica Bianca Requinto. via Sanggunian In Action #iloilonews

Gin-abi-abi sang mga katapo sang 13th Sangguniang Panlalawigan ng Iloilo ang nagbisita nga si former Senator Jinggoy Estrada. Gin-akomodar si Estrada paagi sa paghatag sang ligwa nga makatamyaw kag makahatag sang mensahe sa tanan nga nagtambong sa 122nd Regular Session. Ginpahayag sini nga nagpadulong siya sa Iloilo agud nga magpakig-unong sa kasubo sa pagtaliwan ni former City Councilor Atty. Joshua Alim nga ginakabig sini nga ila family friend umpisa pa sa panahon sang nangin bise presidente kag nangin presidente ang iya amay nga si President Joseph Estrada. Yara man sa iya luyo si Councilor Alim sadtong nangin senador siya sang tuig 2004 nga nag-asister saiya ilabi na sa tagsa ka pagpadulong sa Iloilo. Naghingyo man siya sang bulig bangud liwat siya nga nagapapili sa pagka-senador. Ginpasalig sini ang iya paghatag sang bulig kag magabalik siya sa Iloilo sa tion nga liwat siya nga magmadinalag-on sa sini nga piniliay. via Sanggunian In Action #iloilonews

Gin-aprubahan unanimously sang mga katapo sang 13th Sangguniang Panlalawigan ng Iloilo nga nagtambong sa 122nd Regular Session ang Provincial Ordinance No. 2022-265. Nahibaluan nga ang Provincial Ordinance No. 2022-265 may tigulo "An Ordinance Declaring January 22 of Every Year as Oscar 'Oca' Garin Day in the First District of Iloilo." Una nga gin-refer ini sa Committee on Culture, Arts, History and Tourism nga ginapamunuan ni 5th District Board Member Nielito Tupas durante nga ginahiwat ang 119th Regular Session sang 13th Iloilo SP. Ang author sini amo si 1st District Board Member Marcelo Valentine Serag, sponsor si 5th District Board Member Nielito Tupas kag co-sponsor sanday 5th District Board Member Carol-V Espinosa-Diaz kag 2nd District Board Member June Mondejar. Nabun-ag sadtong Enero 22, 1941 sa Guimbal, Iloilo si anay Guimbal Mayor Oscar 'Oca' Garin sa iya  ginikanan nga sanday Ricardo Grajales Garin, Sr. kag Purificacion Gencianeo Gemarino. Nag-umpis

TATLO KA RESOLUTION GIKAN SA PRIVILEGE SPEECH NI BM PALABRICA, GIN-APRUBAHAN SANG 13TH ILOILO SP Gin-aprubahan unanimously sang mga katapo sang 13th Sangguniang Panlalawigan ng Iloilo sa ginhiwat nga 121st Regular Session ang tatlo ka resolution bilang action points gikan sa privilege speech ni 3rd District Board Member Matt Palabrica nga amo man ang sponsor sang resolution kag co-sponsor ang tanan nga katapo sang 13th Iloilo SP nga nagtambong sa sesyon. Nahibaluan nga ang privilege speech may tigulo "Local Rice Vis-A-Vis Rising Cost of Fertilizers." Ginpahayag sini nga nahalitan sang covid-19 ang pungsod kag nagtublag sa ekonomiya, nagdugang pa gid ang halit sang bagyo Odette kag ang maiwat nga pondo ang gamiton naman sa rehabilitation kag re-development sa mga naguba nga imprastruktra kag isuporta sa economic growth. Nagamahal ang balor sang abono kag halos doble ang presyo sang nakalipas nga tuig, kag ginarason diri ang high importation/logistics cost, foreign exchange rat

Ginduso ni 5th District Board Member Carol-V Espinosa-Diaz sa 121st Regular Session sang 13th Sangguniang Panlalawigan ng Iloilo ang resolution nga nagapahayag sang pagpakig-unong sa pagtaliwan ni Rodolfo 'Rudy' Fernandez kag pagpasidungog sa iya legasiya. Ang resolution may tigulo "A Resolution Expressing Sincere Condolences Over the Passing of Rodolfo 'Rudy' Fernandez and Honoring His Legacy as the Only One-Legged Triathlete and Pride of Iloilo." Ginbun-ag siya sadtong Disyembre 5, 1947 sa Ajuy, Iloilo kag nangin sports star matapos nagdaug sang bulawan nga medalya sa 1,500-meter run sa 1969 Track & Field National Open, silver kag bronze medals sadtong 1972 sa athletic competition sa Singapore. Sadtong 1978, nadulaan siya sang tuo nga tiil sang may naglupok nga granada sa sulod sang sinehan sa syudad sang Iloilo.  Bisan pa sa iya kahimtangan, naghiwat siya sang one-legged 105 kilometer run sadtong 1983 gikan sa Sara tubtub sa syudad sang Iloilo agud maka

Nagpasar sang resolution ang 13th Sangguniang Panlalawigan ng Iloilo nga nagasuporta sa resolution sang Sangguniang Panlalawigan sang Aklan nga nagapamatok sa naaprubahan nga hagna sa kongreso nga nagatuga sang Boracay Island Development Authority (BIDA). Ginpahayag ni 2nd District Board Member June Mondejar nga base sa dokumento nga ila nabaton gikan sa Aklan SP nga ang hagna nga nagatuga sang BIDA may main function nga magdumala, gin-create agud nga magdumala, agud mag-improve kag mag-rehabilitate ukon padalaganon ang operation sa Boracay nga ginapamatukan sang mga local goverment unit sa Aklan, ilabi na sa munisipalidad sang Malay, kag sang tatlo ka barangay nga nakasakop diri. Ginhangop sini nga indi luyag sang mga local government unit sa Aklan, ilabi na sang Municipality of Malay kag Sangguniang Panlalawigan nga ang Boracay Island iga-manage, iga-improve kag iga-operate sang BIDA. Nagapati ang taga-Aklan nga yara man sila nga makasarang magdumalasa Boracay Island kag indi na kina

Nabasahan ni 2nd District Board Member June Mondejar sa lokal nga pamantalaan nga may baka nga nabungguan sang motorsiklo, kag sang awto, kag may karbaw nga nabungguan sang motorsiklo kon sa diin patay gid ang angkas nga babaye.  Sadtong alkalde pa sa banwa sang Bingawan, Iloilo si 3rd District Board Member Matt Palabrica, ang ila ambulansya nakabunggo sa baka sa Pavia, Iloilo nga nagresulta sa pagkawasak sang ambulansya kag pagkapatay sang baka. Napaminsaran sini nga maghimo sang ordinansa agud nga maobligar ang mga tag-iya ukon mga nagabantay sa sini nga mga sapat nga baka, karbaw, kabayo kag kanding nga bantayan gid sing maayo ang ini nga mga sapat agud indi maglagaw sa karsada kag indi mabungguan sang salakyan ukon motorsiklo. Katuyuan sini nga matapna ang mga vehicular accident nga imbolbado ang mga salakyan ukon motorsiklo kag ang nasambit nga mga sapat nga sa masami kabangdanan sang kamatayon, physical injuries ukon damage to properties.  Bangud sa sini nga katuyuan, ginpasad ni

PENALIDAD, GINLAKIP SA PROVINCIAL QUARANTINE ORDINANCE  OF 2020 Gin-amendaran ang Provincial Quarantine Ordinance of 2020 bangud ginlakipan sang penalidad kag ini ang salient feature sa ginhimo nga amendment. Ginpahayag ni 2nd District Board Member June Mondejar nga ginlakipan ini sang penalidad bangud ang Provincial Quarantine Ordinance wala sang penalidad, wala onto, kulang onto, kabangdanan nga gin-amendaran. Ginsiling sini nga sa una nga paglapas, ang sin-o man nga residente, returning residents, or migrants nga ginapadailom sa isolation sa nadesignar nga isolation facility nga nagbiya sa pasilidad sa una nga higayon nga wala sang ihibalo ang tagbantay durante nga ginapaidalom sa mandatory isolation ukon quarantine period ang pagamultahan sang 1,000 pesos kag/ukon pagkapriso sang 10 ka adlaw, depende sa diskrisyon sang korte, sa first violation. Gindugang sini nga sa 2nd violation, may multa nga 2,500 pesos kag/ukon 20 ka adlaw nga pagkapriso, depende sa diskrisyon sang korte; kag