Iloilo News and Events

MASOBRA 8 MILYUNES PESOS NGA BALOR SANG SHABU, NAREKOBER KAY MADAM ESTER KAG IYA KAUPOD  Kapin sa PhP8.160 million nga balor sang illegal nga druga ang narekober sa drug courier kag iya local contact sa ginhiwat nga drug operation sang Regional Police Drug Enforcement Unit 6 sa Zone 6, Barangay Buhang, Jaro, Iloilo City takna alas 2:00 sang hapon, Lunes, Marso 27, 2023. Ginkilala ang mga suspek nga sanday Estrelita Bueno, alyas Madam Ester, 68-anyos, residente sang Abbey Road Bagbag, Sauyo, Brgy. Novaliches, Quezon City, kag kaupod sini nga si Noe Llagas, 27-anyos, sang Brgy. Ungka, Jaro, Iloilo City. Nagapanguna nga target si Bueno tungod siya ang drug courier sa Western Visaya suno kay Police Major Rommel Anicete, ang hepe sang RPDEU-6. Ginsiling sini nga antes ang operation natabu, nakabaton sila sang impormasyon nga si Bueno yari sa Iloilo agud nga maghatag sang isa ka kilo nga shabu kay Llagas. Gintransaksyon sang mga asset sang RPDEU si Llagas agud nga magbakal sang 72 mil pe...

PROPOSED PROVINCIAL ORDINANCE NO. 2023-01-22 SANG BISE GOBERNADOR, GINKALENDARYO NA SA SECOND READING SA MASUNOD NGA  REGULAR SESSION Matinahuron nga ginarekomendar sang Joint Committee nga ginatapuan sang Committee on Committee on Education and Information, bilang lead committee, nga ginapamunuan ni Vice Governor Christine "Tingting" Garin kag Committee on Appropriations nga ginapamunuan ni 4th District Board Member Domingo Oso, Jr. sa 36th Regular Session sang 14th Sangguniang Panlalawigan ng Iloilo nga adoptaron ang ila Joint Committee Report kag ang Proposed Provincial Ordinance No. 2023-01-22 iga-kalendaryo sa Second Reading sa masunod nga Regular Session sang 14th Sangguniang Panlalawigan. Nahibaluan nga ang Proposed Provincial Ordinance No. 2023-01-22 may tigulo “An Ordinance Granting Incentives to Individuals who Garnered the Ten (10) Highest Places in the Board Examinations, Bar Examination, and Other National Licensure Examinations” nga gin-author ni Vice Governor C...

ILOILO SP, GINPANGILALA ANG IPPO DIRECTOR KAG GINHIBALO ANG KAHIMTANGAN SANG SEGURIDAD SA PROBINSYA Gin-imbitar sang 14th Sangguniang Panlalawigan ng Iloilo ang bag-o pahamtang nga provincial director sang Iloilo Police Provincial Office nga si Police Colonel Ronaldo Palomo. Ginpahayag ni Vice Governor Christine "Tingting" Garin nga may kaantanan man ini sa natabu didto sa Negros Oriental sa pagpatay kay Governor Roel Degamo kag subong man, luya nila nga makilala si PCol. Palomo bilang residente man sang Passi City, Iloilo. Ginsiling sini nga namangkot ang 14th Iloilo SP sa IPPO director kon ano ang sitwasyon sa probinsya sang Iloilo tungod indi sila luyag nga makibot lamang kaangay sa natabu sa Negros Oriental. Ginapangabay sang Provincial Board nga mas mangin maayo ang intelligence monitoring sang kapulisan, mangin aktibo kag agud indi kita makibot sa matabu.  Ginpabutyag sini nga ang natabu sa Negros Oriental indi lamang natabu sa sina nga adlaw kag madugay ini nga ginplan...

PAGLUNSAR SANG SEARCH FOR THE MOST OUTSTANDING SANGGUNIAN 2023, HIWATON SA ABRIL 12 Hiwaton sa Abril 12, 2023 takna alas 9:00 sang aga sa Sangguniang Panlalawigan Session Hall sa Iloilo Provincial Capitol ang 'Search for the Most Outstanding Sanggunian 2023' nga isa ka ordinansa nga gin-author ni Vice Governor Christine "Tingting" Garin kag ginsuportahan sang bug-os nga katapo sang 14th SP. Ginpahayag ni Vice Governor Christine "Tingting" Garin nga ang ordinansa nagatuyo nga kilalahon ang mga sangguniang sa bug-os nga probinsya sang Iloilo nga ginalakipan sang 42 ka mga banwa kag isa ka component city.  Ginsiling sini nga iya nakita nga madamo sang 'exemplary' sangguniang kag sa sini nga paagi mahatagan man sila sang pagkilala kag mailog man sang iban nga sanggunian ang ila pinasahi nga hinimuan. Ginpaathag sini nga sa Abril 12 amo ang launching, ang search sa masunod pa nga tuig apang ang evaluation maga-umpisa sa sini nga tuig. Ang awarding sa masu...

PAGPALAWIG SANG TERMINO SANG ELECTED OFFICIALS, BENTAHA SA PUMULUYO KON MAAYO ANG LIDER Nagapati si Vice Governor Christine "Tingting" Garin nga manami man kon palawigon ang termino sang mga elected officials sa lima ka tuig nga may duha ka termino. Ginpahayag sini nga bilang nangin local chief executive, iya nakita nga kon madamo sang plano, mas mapatuman sing maayo.   Ginsiling sini nga sa karon nga sistema sang eleksyon, ang una nga tuig sang elected official gamiton niya sa pagtuon, ang ikaduha nga tuig sa pagpatuman sang mga programa kag proyekto kag ang ikatatlo nga tuig napartiniser na sa palaabuton nga piniliay, ilabi na nga temprano pa ang eleksyon sa paglantaw sang kadamuan. Ginpabutyag sini Oktubre pa lang nagapreparar na para sa eleksyon bisan ang eleksyon sa masunod pa nga tuig hiwaton ukon halos kapin isa ka tuig ang giinahinguyang para diri. Nakita sini ang bentaha kon palawigon agud nga ang programa sang mga elected official mapatuman sing lubos. Ginhalimbawa ...

"ONLINE WEBSITE ORDINANCES IN THE PROVINCE OF ILOILO", GINADUSO NI VICE GOVERNOR CHRISTINE 'TINGTING' GARIN Ginduso ni Vice Governor Christine "Tingting" Garin ang ordinansa nga nagapasad sang online website para sa tanan nga lokal nga ordinansa sa probinsya agud mangin mas accessible sa publiko. Ginpahayag sini nga tinutuyo sang ordinansa nga may separado nga website para sa Sangguniang Panlalawigan apang diri man makita ang magkatuhay nga mga ordinansa sang mga local government unit sa bug-os nga probinsya sang Iloilo. Nakahiwat na sang committee hearing kag inug-report pa lang for second reading sa Sangguniang Panlalawigan. Nahibaluan nga ang Proposed Provincial Ordinance No. 2023-02-24 nga may tigulo "An Ordinance Establishing an Online Website for all Local Ordinances in the Province of Iloilo to Make Them More Accessible to Public" nga gin-author ni Vice Governor Christine "Tingting" Garin. Pagakilalahon ang proposed ordinance sa iy...

PROVINCIAL ORDINANCE NO. 2023-293 UKON ANG “ILOILO FARM TOURISM DEVELOPMENT AND PROMOTION ACT OF 2023”, APRUBADO NA SA THIRD AND FINAL READING Gin-aprubahan na sa Third and Final Reading sa 36th Regular Session sang 14th Sangguniang Panlalawigan ng Iloilo ang Provincial Ordinance No. 2023-293. Nahibaluan nga ang Provincial Ordinance No. 2023-293 may tigulo “An Ordinance Providing for the Development and Promotion of Farm Tourism in the Province of Iloilo and Appropriating Funds Therefor”. Pagatawgon ini bilang “ILOILO FARM TOURISM DEVELOPMENT AND PROMOTION ACT OF 2023”. Katuyuan sini nga maduso sang Iloilo Provincial Government (IPG) ang general welfare sang mga pumuluyo sang probinsya sa pagganyat, sa pagpatin-ad, kag pagduso sang farm tourism. May pagatukuron nga Farm Tourism Development Committee nga magabulig sa accreditation sang farm tourism camps, paagi sini hatagan sang financial assistance nga One Hundred Thousand Pesos (Php100,000.00) sa kada accredited institution sa probins...

DAMGO PARA SA PUMULUYO SANG DUMANGAS, NAHATAGAN NA SANG KATUMANAN SA GIN-INAGURAHAN NGA GRS Nahatagan na gid man sang katumanan, pagkatapos sang halos isa ka dekada, ang damgo sadto sang alkalde sang banwa sang Dumangas kag karon 4th District Board Member Rolando Distura matapos nga gin-inagurahan sadtong Biernes, Marso 10, 2023 ang Ground Receiving Station (GRS). Ginpahayag ni 4th District Board Member Rolando Distura nga sadtong 2013 pa niya ini gintinguhaan sa pag-umpisa sang iya termino bilang alkalde sadto sang tuig 2013-2016 kag masami niya ini nga ginaduso sa agenda sang Regional Develoment Council (RDC) sa pagpanguna sang National Economic and Develoment Authority (NEDA). May resolution siya nga ginduso nga nagahingyo sa Japan International Cooperation Agency (JICA) nga ipadayon ang pag-instolar ang Ground Receiving Station (GRS) para sa satellite sa banwa sang Dumangas. May mga opsyon sadto nga ginalantaw ang JICA nga ipahamtang ini sa iban nga lokasyon apang sang ulihi nakumb...

BM DISTURA, NAG-PRIVILEGE SPEECH NGA MAY TIGULO "WOMEN EMPOWERMENT IN LOCAL GOVERNANCE" Nag-privilege speech si 4th District Board Member Rolando Distura nga may tigulo "Women Empowerment In Local Governance" sa 34th Regular Session sang 14th Sangguniang Panlalawigan ng Iloilo. Sa sini nga bulan sang kababaihan, luyag niya nga maghatag sang pagtahod sa mga mabakas, maisog, kag mabakod nga kababaihan nga wala ginakapoy sa paghatag sang ila kontribusyon para sa kaayuhan sang aton sosyudad. Dapat magasentro ang selebrasyon sang ila kaimportante kag kasignipikante sa matag-adlaw para sa ila paghimakas kag pangabudlay nga mapabilin ang ila kabuhi kag mga kabuhi sa palibot nila. Si Malala Yousafzai nga ginkabig nga world's youngest Nobel Peace Prize laureate nagsiling nga "There are two powers in the world; one is the sword and the other is pen. There is a third power stronger than both, that of women." Sa aton maragtas, gintumod sini ang kababaihan nga nagp...

BM OSO, GINPANGINBULAHAN SANG 14TH ILOILO SP NGA NAPILIAN BILANG NATIONAL SECRETARY GENERAL SANG PBMLP   Nagpasar sang resolution ang mga katapo sang 14th Sangguniang Panlalawigan ng Iloilo sa ginhiwat nga 34th Regular Session nga nagapanginbulahan kay 4th District Board Member Domingo Oso, Jr. nga napilian bilang National Secretary General sang Provincial Board Members League of the Philippines. Ginduso ini nga resolution ni Vice Governor Christine "Tingting" Garin bilang sponsor kag gin-updan sang mga katapo sang 14th SP. Napilian nga wala sang kasumpong bilang National Secretary General si 4th District Board Member Domingo Oso, Jr. sa ginhiwat nga 31st National Convention and Election of Officers sang Provincial Board Members League of the Philippines (PBMLP) sa Manila Hotel sadtong Pebrero 28, 2023. Nahibaluan nga sa kapin 15 ka tuig na nga nagapangalagad si 4th District Board Member Domingo Oso, Jr. apang karon pa lamang natabu nga may isa ka Ilonggo nga nakapwesto sa is...

ILOILO SP, NAGA-UNONG SA KALISOD SANG MGA HIMATA SANG NAGTALIWAN NGA SI NEGROS ORIENTAL GOVERNOR ROEL DEGAMO Nagpasar sang resolution ang mga katapo sang 14th Sangguniang Panlalawigan ng Iloilo sa ginhiwat nga 34th Regular Session nga nagapahayag sang pag-unong sa mga himata sang nagtaliwan nga si Negros Oriental Governor Roel Degamo. Nahibaluan nga ang resolution may tigulo "Resolution Expressing The Deepest Condolences Of The Sangguniang Panlalawigan, On Behalf Of The Province Of Iloilo, To The Bereaved Family Of The Late Governor Roel Degamo Of The Province Of Negros Oriental." Ginduso ini sang sponsor nga si Vice Governor Christine "Tingting" Garin kag gin-updan sang mga katapo sang 14th SP. Nagapahayag sang kasubo ang mga pumuluyo sang Probinsya sang Iloilo sa hinali nga pagtaliwan ni Governor Roel Degamo sabf Probinsya sang Negros Oriental. Nahibaluan nga ang nagtaliwan nga si Governor Degamo ginbun-ag sadtong Abril 29, 1966 sang iya mga ginikanan nga sanday A...

PAGPA-IMPRUBAR SA SITWASYON SANG KABABAIHAN, PADAYON NGA IDUSO  Ginapasalamatan sang bise gobernador ang tanan nga pumuluyo nga padayon nga nagasaulog sang 2023 National Women's Month Celebration sini nga bulan sang Marso. Ginpahayag ni Vice Governor Christine "Tingting" Garin nga kahibalo gid ang tanan kon ano kaimportante sang sektor sang kababaihan sa sosyudad kag kahibalo man ang tanan kon ano ang sitwasyon sang kalibutan kon wala sang kababaihan. Ginsiling sini nga isa ka bugal nga mangin pinakauna nga babaye nga bise gobernador sa probinsya sang Iloilo kag isa man ini ka daku nga hangkat sa iya kabangdanan nga nagatinguha gid siya sa kutob sang iya masarangan nga makabulig gid sa kababaihan. Ginpabutyag sini nga isa lamang ka pribilehiyo para sa iya nga mangin bise gobernador kag sa iya termino madamo na siya sang napasar nga ordinansa para sa kababaihan kaangay sang Gender and Development (GAD) Code, Anti-Trafficking Ordinance nga indi lamang para sa kababaihan kun...

ADBOKASIYA SANG KABABAIHAN, IPADAYON  Maswerte ang mga kababaihan tungod yari sila sa probinsya sang Iloilo kag dapat indi mag-untat, ipadayon ang adbokasiya, ilabi na nga madamo sang mga babaye nga lideres sa probinsya sang Iloilo. Ginpahayag ni Vice Governor Christine "Tingting" Garin nga kapin sa 50 percent ang mga babaye nga katapo sang Sangguniang Panlalawigan, kapin 25 percent ang mga babaye nga alkalde sa probinsya sang Iloilo, kapin 50 percent ang mga babaye nga heads of offices sa Iloilo Provincial Government. Ginsiling sini nga makita naton nga ang nga kababaihan ang ginatratar nga kaangay sang kalalakihan, alalangay ang tanan. Ginpanugyan sini sa iban pa nga kababaihan, kon sa diin man sila nga barangay, banwa, ukon probinsya, ipadayon lamang ang adbokasiya nga ululupod kita tanan.  Nahibaluan nga sa bug-os nga bulan sang Marso ginasaulog ang 2023 National Women's Month Celebration nga may tema nga "WE for gender equality and inclusive society'. via Sa...

PROVINCE OF ILOILO BIBLE ORDINANCE, PASADO NA Gin-aprubahan na sa Third and Final Reading sa 34th Regular Session sang 14th Sangguniang Panlalawigan ng Iloilo ang Provincial Ordinance No. 2023-292. Nahibaluan nga ang Provincial Ordinance No. 2023-292 may tigulo “AN ORDINANCE INSTITUTIONALIZING EVERY MONDAY AFTER FLAG RAISING CEREMONY AS BIBLE TIME AND LAST WEEK OF JANUARY OF EVERY YEAR AS BIBLE WEEK IN THE PROVINCE OF ILOILO.” Si 3rd District Board Member Matt Palabrica ang author, gin-co-author si 4th District Board Member Rolando Distura, gin-sponsor ni 2nd District Senior Board Member Rolando Distura, kag gin-co-sponsor ni 5th District Board Member Binky April Tupas. Pagakilalahon ini sa iya malip-ot nga tigulo nga "Province of Iloilo Bible Ordinance”. Katuyuan sang ordinansa nga ang tanan nga staff kag mga empleyado makahiwat sang regular Bible reading kag pangamuyo, lakip ang mga estudyante kag faculty members agud nga may tion sang repleksyon nga makapasanyog sang ila m...

14TH ILOILO SP, GINAKONDENAR ANG PAGPATAY KAY GOVERNOR ROEL DEGAMO SANG NEGROS ORIENTAL Nagpasar sang resolution ang mga katapo sang 14th Sangguniang Panlalawigan ng Iloilo sa ginhiwat nga 34th Regular Session nga nagakondenar sa pagpatay kay Negros Oriental Governor Roel Degamo. Nahibaluan nga ang Resolution No. 2023-000 may tigulo "Resolution Condemning In The Strongest Terms The Killing Of Governor Roel Degamo Of The Province Of Negros Oriental." Ginduso ini sang sponsor nga si Vice Governor Christine "Tingting" Garin kag gin-updan sang mga katapo sang 14th SP. Nahibaluan nga si Governor Roel Degamo sang Probinsya sang Negros Oriental ang ginluthang patay sa ila residential compound sadtong Sabado, Marso 4, 2023. Suno sa kapulisan sang Negros Oriental, natabu ang pagpangluthang sa Barangay 9, Pamplona, Negros Oriental samtang siya ang nagapanagtag sang ayuda sa iya mga kasimanwa. Gindeklarar siya nga patay takna alas 11:41 sang aga, suno sa kumpirmasyon sang iya ...