Iloilo News and Events

14TH SP, NAGAPAKIG-UNONG SA KALISOD SANG PAMILYA SANG NAGTALIWAN NGA SI ANAY POLICE GENERAL EDMUNDO LARROZA Gin-aprubahan sa 45th Regular Session sang 14th Sangguniang Panlalawigan ng Iloilo ang Special Resolution of Condolences para sa nalisdan nga pamilya sang nagtaliwan nga si anay Police Deputy Director General Edmundo Lavilla Larroza. Ginduso ni 3rd District Board Member Jason Gonzales, bilang sponsor, ang nasambit nga resolution kag con-sponsors sanday 3rd District Board Member Matt Palabrica kag 4th District Board Member Rolando Distura. Nahibaluan nga ang resolution may tigulo "Special Resolution of Condolences of 14th Sangguniang Panlalawigan of Iloilo to the Bereaved Family of the Late Police Deputy Director General Edmundo Lavilla Larroza". Nakadangat sa igdulungog sang mga katapo sang Sangguniang Panlalawigan sang Iloilo kag Iloilo Provincial Government ang pagtaliwan ni anay General Edmundo Lavilla Larroza sadtong May 22, 2023.  Nagtan-ay sang iya serbisyo si ana...

FREDDIE TANLAWAN, JR., GINAPANGINBULAHAN SANG 14TH SP SA PAGPANGIBABAW SA SPECIAL LICENSURE EXAMINATION FOR PROFESSIONAL TEACHERS Gin-aprubahan sa 45th Regular Session sang 14th Sangguniang Panlalawigan ng Iloilo ang resolution nga nagapanginbulahan kay Freddie Baldago Tanlawan, Jr. nga nangin Top 1 sa pinakaulihi nga Special Licensure Examination for  Professional Teachers. Ang resolution ginduso sang sponsor nga si 1st District Board Member Jo Ann Germinanda co-sponsor sanday 5th District Carol-V Espinosa-Diaz kag Ex-Officio Board Member Ma. Angelica Bianca Requinto-Espinosa, ang PPSK-Provincial Federation President. Nahibaluan nga ang resolution may tigulo "Resolution Congratulating Mr. Freddie Baldago Tanlawan, Jr. for being the Top 1 in Special Licensure Examination for  Professional Teachers with a rating of 89.80% conducted by PRC last April 2023". Tumandok sang Brgy. Gabi Gigantes Sur, Carles, Iloilo si Tanlawan kag gradwado sang BS Electrical Engineering sa Capiz Sta...

IRISH MAGNO, GINADAYAW KAG GINAPANGINBULAHAN SANG 14TH SP SA PAG-AGOM SANG SILVER MEDAL SA SEA GAMES  Gin-aprubahan sa 45th Regular Session sang 14th Sangguniang Panlalawigan ng Iloilo ang resolution nga nagadayaw kag nagapanginbulahan kay Ilongga Boxer Irish Magno sa pagdaug sang silver medal sa 32nd Southeast Asian (SEA) Games. Ang resolution ginduso sang sponsor nga si 3rd District Board Member Jason Gonzales kag co-sponsor si 3rd District Board Member Matt Palabrica. Nahibaluan nga ang resolution may tigulo "A Resolution Commending and Congratulating Ilongga Boxer Irish Magno for Winning the Silver Medal for Women's Boxing Category during the 32nd Southeast Asian (SEA) Games held in Phnom Penh, Cambodia". Ginpasakupan sang 11 ka pungsod sa Southeast Asia ang Southeast Asia Games ukon ang SEA Games nga isa ka biennial multi-sport event. Ang 32nd edition sang SEA Games ginhiwat sadtong Mayo 5-17, 2023 sa Phnom Penh, Cambodia. Isa  sa nagpasakop diri si Irish Magno, nabu...

CHRISTIAN JAY BALBOA, GINADAYAW KAG GINAPANGINBULAHAN SANG 14TH SP SA PAGPANGIBABAW SA MAY 2023 CHEMICAL ENGINEERS LICENSURE EXAMINATION Gin-aprubahan sa 45th Regular Session sang 14th Sangguniang Panlalawigan ng Iloilo ang resolution nga nagadayaw kag nagapanginbulahan kay Christian Jay Balboa nga nangin topnotcher sa May 2023 Chemical Engineers Licensure Examination. Ang resolution ginduso sang sponsor nga si Ex-Officio Board Member Dorothy Paes, ang Liga ng mga Barangay - Provincial Federation President, kag co-sponsors sanday 4th District Board Members Domingo Oso, Jr. kag Rolando Distura. Nahibaluan nga ang resolution may tigulo "Resolution Commending and Congratulating Christian Jay P. Balboa for being the Topnotcher in the May 2023 Chemical Engineers Licensure Examination". Nabun-ag sadtong Abril 6, 1997 si Christian Jay Balboa nga anak nanday Luisa Pagunuran kag Cezar Balboa sang Brgy. Abaca, San Enrique, Iloilo. Gradwado siya sang Chemical Engineering sa De La Salle ...

Naghiwat sang Joint Committee Hearing ang duha ka komitiba nga ginalakipan sang Committee on Ways and Means, bilang lead committee, nga ginapamunuan ni 1st District Board Member Jo Ann Germinanda kag Committee on Games and Amusement nga ginapamunuan ni Ex-Officio Board Member Ramon Sullano, ang PCL-Iloilo Chapter President, sadtong Lunes, Mayo 29, 2023, tuhoy sa pagpatuman sang amusement tax sa cockpit operation sa probinsya sang Iloilo. Ginpahayag ni Board Member Sullano nga nagpatawag sila sang committee hearing tungod ginasaad sa Local Government Code of 1991 nga ginatugutan ang probinsya sang Iloilo nga manukot sang amusement tax, nga ginahimo na sang probinsya, apang wala lang nalakip ang probisyon tuhoy sa cockpit. Ginsiling sini nga agud mangin legal ang pagpanukot sang probinsya sa 10% nga amusement tax sa mga cockpit, ginduso nila ang ini nga pag-amendar sa ordinansa agud nga malakip ang cockpit sa magabayad sang amusement tax. Nagtambong sanday 3rd District Board Member Matt ...

BOARD MEMBER JUNE MONDEJAR, GINAKASUBO ANG DUGANG NGA 250 MILLION PESOS PARA MASOLBAR ANG PROBLEMA SANG UNGKA FLYOVER Ginakasubo ni 2nd District Senior Board Member June Mondejar ang dugang nga 250 million pesos para masolbar ang problema sang Ungka Flyover. Ginsiling sini nga kon gin-obra sing maayo ukon sing insakto, kuntani nabenepisyuhan na sang pumuluyo ang nasambit nga proyekto. Ginakasubo sini ang dugang nga 250 million pesos tungod magamit pa ini kuntani sa importante nga mga programa, proyekto kag aktibidades sang gobyerno para sa kaayuhan sang pumuluyo. Ginaproblemahan pa kon sa diin mahalin ang 250 million pesos, kon san-o matigayon nga maagom ang kantidad, kag kon san-o masuguran ang pagsolbar sa problema sang flyover. Ginpabutyag sini nga mismo siya ang naga-eksperyensya sang kabudlay sa kada adlaw nga paglabay sini sa sina nga lugar kon sa diin nahamtang ang flyover tungod sang naga-igod nga trapiko. Makaluluoy lang ang mga taxpayers sa natabu sa sini nga proyekto. Posibl...

BOARD MEMBER JUNE MONDEJAR, NALIPAY GID NGA NAKABULIG SILA SA PAGSOLBAR SA PROBLEMA SANG SANITARIUM HOSPITAL Nalipay gid si 2nd District Senior Board Member June Mondejar nga nakabulig siya sa mga empleyado sa Western Visayas Sanitarium and General Hospital sa Santa Barbara, Iloilo paagi sa iya ginpalayag nga privilege speech sadto nga may tigulo " Silent Protest at WVSGH" sa ginhiwat nga 27th Regular Session sang 14th SP sang Enero 10, 2023. Katuyuan sang iya privilege speech agud nga makabulig man solbar ang Sangguniang Panlalawigan sa problema nga nagapatunga sa mga empleyado kag mga opisyales sang natumod nga ospital. Isa sa nangin rekomendasyon sang Committee on Health and Sanitation nga dapat i-reactivate ang Hearing Committee nga magamapati kag magadesisyon sa mga administrative cases sang mga health workers sa bug-os nga rehiyon nga pamunuan sang Iloilo Provincial Health Officer. Isa pa gid sa nangin rekomendasyon ang napatuhoy sa Regional Director sang Department of ...

KAHIMTANGAN SANG UNGKA FLYOVER, DAPAT MAKLARO SUNO KAY BM MONDEJAR Ginakompormehan ni 2nd District Senior Board Member June Mondejar condemnation rally sang mga nagtililipon sa Ungka Flyover sang damlag lang agud nga makapahayag sang ila sentimento kag mapahibalo sa mga natungdan ang ila pag-antus. Ginpahayag sini nga nagakabalak siya sa iya mga kasimanwa sa segundo distrito bangud sila ang naga-antus diri, kag mismo siya ang apektado man sa sitwasyon. Nagalaum siya nga maklaro gid kon diin ang diperensya, ngaa nagkadiperensya, kon san-o obrahon, ano ka dugay ang pag-obra, kon diin kuhaon ang budget kag mapangitaan sang paagi nga indi mabudlayan ang tawo samtang nagahulat sa kon ano man nga solusyon nga nakita para sa sini nga Ungka Flyover. Ginsiling sini nga dapat maklaro na kag masabat na ang mga pamangkot ukon nga madula na ang haka-haka ukon espekulasyon san mga tawo kag indi malakip sa mga ginakondenar ang mga wala sing labot sa sini nga kontrobersiya. Ginpabutyag sini nga dapat ...

APPOINTMENT NI DR. RAUL BANIAS BILANG PROVINCIAL ADMINISTRATOR, GIN-CONCUR SANG MGA KATAPO SANG 14TH SP Gin-aprubahan unanimously sang mga katapo sang 14th Sangguniang Panlalawigan ng Iloilo nga nagtambong sa 44th Regular Session ang hingyo sang gobernador para sa concurrence sang appointment ni Dr. Raul Banias bilang Provincial Administrator sang Provincial Administrator's Office sa Probinsya sang Iloilo. Nagsulat si Governor Arthur Defensor, Jr. sa mga katapo sang 14th SP nga napetsahan Mayo 17, 2023 nga nagahingyo para sa concurrence sang appointment ni Dr. Raul Banias, Provincial Administrator sang Provincial Administrator's Office, Province of Iloilo. Ang natumod nga appointee nagaangkon sang tanan nga kwalipikasyon kag wala sang mga diskwalipikasyon para sa natumod nga position. Gin-certify sang Gobernador ang gilayon nga pagpasar sang resolution angot sa natumod nga hingyo para sa concurrence sang nasambit nga appointment. Angot sini, ginpahayag ni Banias nga isa ka kadu...

CT SCAN SERVICES SA ILOILO PROVINCIAL HOSPITAL, MAAGUMAN NA SA MADALI NGA PANAHON Naghiwat sang public hearing kag consultation ang Committee on Ways and Means nga ginapamunuan ni 1st District Board Member Jo Ann Germinanda sang tinalikdan nga Miyerkules, Mayo 18, 2023, tuhoy sa ginaduso nga rates ukon sukot sa serbisyo sang CT Scan nga pagagamiton sa Iloilo Provincial Hospital sa Pototan, Iloilo kag sa palaabuton sa Mother and Child Hospital sa San Joaquin, Iloilo. Ginapasalamat sini ang mga nagtambong nga mga chiefs of hospitals, Provincial Administrator Raul Banias, kag mga department heads. Natalakay ang posible nga mangin presyo kag posible nga mangin problema sa palaabuton. Lubos man siya nagapasalamat kanday 3rd District Board Member Matt Palabrica, 4th District Board Member Rolando Distura nga nagtambong sa committee hearing kag sanday 2nd District Senior Board Member June Mondejar kag 3rd District Board Member Jason Gonzales nga nagpadala sang ila mga tiglawas. Ginasigahum nga...

Nagapati si 3rd District Board Member Matt Palabrica nga napaslawan ang kampanya batok sa rabies tungod nga may yara sang nagakapatay nga persona kag indi mabutigan ang datus. Ginpahayag sini nga ini ang rason kon ngaa nagapanawagan si 2nd District Board Member Rolito Cajilig nga kon pwede i-compel ang mga gobyerno lokal ukon mag-cooperate sa kampanya sang national government kag provincial government kon paano makontrol ang rabies. Ginsiling sini nga luyag lamang niya nga mangin tampad sa paghatag sang iya reaksyon tuhoy sa ginduso nga resolution ni Board Member Cajilig nga may tigulo “Resolution Compelling the Component LGUs in the Province of Iloilo to Adopt the Guidelines of Republic Act No. 9482 or the AntiRabies Act of 2007 for its Effective Implementation in the Province”. Ginpabutyag sini nga ang daku nga problema amo ang pagkontrol sang populasyon sang mga sapat, ilabi na sang mga layaw nga ido, kag kon ang mga local government unit magpabuyan-buyan sini, magapabilin ang ini n...

Nagalaum si 3rd District Board Member Matt Palabrica nga makahatag sang opisyal nga pahayag ang Department of Public Works and Highways tuhoy sa kahimtangan sang Ungka Flyover. Ginpahayag sini nga may ginpagwa nga update ang DPWH tuhoy sa resulta sang ginhiwat nga imbestigasyon sang independent body nga gin-hire sang DPWH agud nga makita kon ano gid ang diperensya. Madumduman nga madamo sang mga resolution nga ginpasar ang Sangguniang Panlalawigan ng Iloilo paagi sa Committee on Infrastructure nga ginapamunuan ni 4th District Board Member Rolando Distura nga nagahingyo nga hatagan sang periodic update ang Iloilo SP. Ginpabutyag sini nga nagtulog ang ini nga pangabay kag nagsiling nga hulaton na lang kag karon nag-abot na gani nagalaum siya nga makabati sang opisyal nga pahayag sang DPWH paagi sa Iloilo SP. via Sanggunian In Action / FB #iloilonews

Nag-privilege speech si 3rd District Board Member Matt Palabrica sa 43rd Regular Session sang 14th Sangguniang Panlalawigan ng Iloilo tungod nagakabala siya sa kahimtangan sang ikaayong-lawas sang mga empleyado sang kapitolyo. Ginpahayag sini nga tungod sa lifestyle disease nga ginaatubang sang tanan, indi lang sa mga empleyado, kundi lakip sa bug-os nga kalibutan, kag indi exempted diri ang mga empleyado sa kapitolyo nga apektado man sang common lifestyle disease. Nagpanalawsaw siya kag iya natukiban nga limitado lamang ang kadamuon sang mga empleyado nga nagapadulong sa clinic sang kapitolyo agud nga magpakonsulta. Ginsiling sini nga ang makatilingala pa tungod nga may Provincial Ordinance No. 15, Series of 1995 nga naga-require sa tanan nga empleyado nga magpaidalom sa annual general physical examination nga pagapondohan sang kapitolyo. Ginpabutyag sini nga sang ginpasar sadto ang ordinansa, ginpatuman man apang sa karon halos nalipatan na bangud sa kadugayon kag tuyo sini nga buhio...

Message of Antique Provincial Board Member Mayella Mae Plameras-Ladislao, the President of Four-L Antique, as newly-elected Regional President of Four-L Western Visayas. #iloilonews

Message of Juan Jovian E. Ingeniero, Regional Director of DILG 6,  to the participants of Four-L Western Visayas Assembly and Election of Officers at Grand Social Hall, Casa Real de Iloilo, Iloilo City on May 16, 2023. #iloilonews

Message of Governor Arthur R. Defensor, Jr. to the participants of Four-L Western Visayas Assembly and Election of Officers at Grand Social Hall, Casa Real de Iloilo, Iloilo City on May 16, 2023. #iloilonews

Iloilo Vice Governor Christine "Tingting" S. Garin welcomed the participants of Four-L Western Visayas Assembly and Election of Officers at Grand Social Hall, Casa Real de Iloilo, Iloilo City on May 16, 2023. Hon. Vice Governor Christine "Tingting" S. Garin is the President of Four-L Iloilo and the Interim National President of Four-L Philippines. #iloilonews

Presentation of Participants by Hon. Ma. Teresa F. Debuque during the Four-L Western Visayas Assembly and Election of Officers at Grand Social Hall, Casa Real de Iloilo, Iloilo City on May 16, 2023. Hon. Ma. Teresa F. Debuque is the Vice Mayor of Anilao, Iloilo and the Vice President of Four-L Iloilo. #iloilonews

Welcome Remarks of Dr. Cynthia C. dela Cruz during the Four-L Western Visayas Assembly and Election of Officers at Grand Social Hall, Casa Real de Iloilo, Iloilo City on May 16, 2023. Dr. Cynthia C. dela Cruz is the Vice Mayor of Kalibo, Aklan and the President of Four-L Aklan. #iloilonews

Gin-aprubahan sa ginhiwat nga 43rd Regular Session sang 14th Sangguniang Panlalawigan ng Iloilo ang duha ka resolution nga ginduso ni 3rd District Board Member Palabrica gikan sa iya ginpalayag nga privilege speech. Ginduso sini nga hingyuon ang si Governor Arthur Defensor, Jr. nga painan sang pondo para sa implementasyon sang Provincial Ordinance No. 15, series of 1995 ukon ang "An Ordinance Requiring An Annual General Physical Examination for all Officials and Employees of the Provincial Government of Iloilo with Permanent and Co-Terminus Status" kag hingyuon sa gobernador ang paghatag sang kinahanglanon nga kagamitan kag pasilidad nga makasabat sa kinahanglanon sang mga opisyales kag empleyado sang kapitolyo.  Ginsiling sini nga may natabu nga emergency situation sa isa ka empleyado apang wala sang ambulansya nga makaserbe sa iya gani nga ginlakip sini ang paghingyo sang kagamitan kag pasilidad agud nga makasabat sa panahon sang emerhensya. Ikaduha, hingyuon sa Human Resou...

Gin-aprubahan unanimously sa 43rd Regular Session sang 14th Sangguniang Panlalawigan ng Iloilo ang resolution nga gin-sponsor ni 2nd District Board Member Rolito Cajilig kag gin-co-sponsor ni 3rd District Board Member Matt Palabrica. Nahibaluan nga ang resolution may tigulo “Resolution Compelling the Component LGUs in the Province of Iloilo to Adopt the Guidelines of Republic Act No. 9482 or the AntiRabies Act of 2007 for its Effective Implementation in the Province”. Ang Republic Act No. 9482 ukon The Anti-Rabies Act of 2007 nagadeklarar sa polisiya sang Estado nga iduso kag amligan ang kinamatarong sang pumuluyo sa ikaayong-lawas, kag nagamandu sang sistema sa pagkontrol, pagtapna sa paglaton, kag gilayon nga pagpapas sang human kag animal rabies kag dapat mapasad ang Responsible Pet Ownership. Sadtong Mayo 5, 2023, napatay ang lalaki gikan sa New Lucena, Iloilo bangud sa suspected rabies infection matapos nga makadtan sang ido. Suno sa report, nakakaon man siya sang karne sang ido a...

Nag-privilege speech si 3rd District Board Member Matt Palabrica sa 43rd Regular Session sang 14th Sangguniang Panlalawigan ng Iloilo nga may tigulo 'Annual General Physical Examination of the Officials and Employees of the Iloilo Provincial Government: A Must! Ginpahanumdom sini ang Provincial Ordinance No. 15, series of 1995 ukon ang "An Ordinance Requiring An Annual General Physical Examination for all Officials and Employees of the Provincial Government of Iloilo with Permanent and Co-Terminus Status." Nasaad diri ang tuigan nga general physical examination nga ginalakipan sang complete blood chemistry, ECG, chest X-Ray, Urinalysis, fecalysis kag sputum examination para sa acid-fast bacillus (AFB). Himuon ang tuigan nga general physical examination sa mga ospital kag mga clinic sa idalom sang Probinsya sang Iloilo nga gindesignar sang Provincial Health Officer kag ang Human Resource Management and Development Office magatalana sang tuigan nga general physical examinat...

LPTRP SANG PROBINSYA, GINAHULAT GIKAN SA DEPARTMENT OF TRANSPORTATION Gina-review na kag ginahulat na lang sang probinsya sang Iloilo ang Local Public Transport Route Plan ukon LPTRP gikan sa Department of Transportation. Ginpahayag ni Ex-Officio Board Member Ramon Sullano, ang PCL-Iloilo Chapter President kag Chairperson sang Committee on Transportation, Communication and Public Utilities nga gamay nga modification ang ginhimo kag nagasantu sa LPTRP sang Iloilo City Government. Ginalauman sini nga matapos na kag masumiter sa opisina sang gobernador, kag agud nga ma-endorso na sa Sangguniang Panlalawigan, ilabi na sa iya komitibna, agud mapasar na ang ordinansa nga nagasuporta sa LPTRP sang probinsya. Ginpanikasugan niya sadto, bilang buylog sa hingyo sang mga banwa nga yara sa luyo sang syudad nga makasulod sa syudad sang Iloilo. Malip-ot ang ruta kon indi sila makasulod sa syudad kag mangin wala sang pulos ang ila biyahe nga magaresulta naman sa pagkadula sang palangabuhian sang mga ...

3RD SEASON SANG PCL GOVERNOR'S CUP, NAGAPADAYON Nag-umpisa na ang 3rd Season sang PCL Governor's Cup sadtong Abril 22, 2023 sa banwa sang Concepcion, Iloilo kon sa diin ang 5th District amo ang host district. Ginpahayag ni Ex-Officio Board Member Ramon Sullano, ang PCL-Iloilo Chapter President, nga nagsibu man sa pagsaulog sang Tampisaw Festival sang Concepcion, Iloilo ang ila opening kag santu man sa hingyo sang ila PCL-Iloilo Vice President nga si SB John Arcosa sang Concepcion, Iloilo. Ginsiling sini nga ang programa nagatuyo nga mangin mas malapit ang PCL-Iloilo sa iya mga katapo.  Ginkalipay man sini sa pagpahibalo nga ang mga konsehal sang syudad sang Iloilo ang naga-upod man sa ila aktibidades kag sila ang naga-upod sa mga hubon sang primero kag segundo distrito, ilabi na nga wala sang activity kag gamay lang ang mga katapo sang Iloilo City Council. Gintuad sini nga nagapadayon ang lihok, nagalibot sila sa bug-os nga probinsya sang Iloilo kag sang Sabado, Mayo 13, ang ho...

Nagpatigayon sang committee hearing ang Committee on Transportation, Communication and Public Utilities nga ginapamunuan ni Ex-Officio Board Member Ramon Sullano, ang PCL-Iloilo Chapter President, sadtong Lunes, Mayo 8, 2023, sang hapon sa SP Session Hall. Ginpahayag ni Sullano nga tungod ini sa na-eksperyensyahan nga  total blackout sadtong Abril 27 tubtob 29 sa probinsya sang Iloilo. Gintambungan ini sang mga general manager sang tatlo ka electric cooperative bilang mga distibution utilities kag sang National Grid Corporation of the Philippines ukon NGCP. Natukiban man nga nag-expire na ang kontrata para sa ancillary services sang National Power Corporation (NAPOCOR) sa Dingle, Iloilo kag wala na nakasuplay para mangin istable man ang suplay sang kuryente. May duha ka resolution nga naaprubahan bunga sang ginhiwat nga committee hearing nga ginalakipan sang paghingyo sa Energy Regulatory Commission (ERC) nga padasigon ang pag-aprubar sang Ancillary Services Procurement Agreement (...

PROVINCIAL ORDINANCE NO. 2023-297, APRUBADO NA SA THIRD AND FINAL READING SA 42ND REGULAR SESSION SANG 14TH SP Gin-aprubahan na sa Third and Final Reading sa ginhiwat nga 42nd Regular Session sang 14th Sangguniang Panlalawigan ng Iloilo ang Provincial Ordinance No. 2023-297. Nahibaluan nga ang Provincial Ordinance No. 2023-297 may tigulo "An Ordinance Declaring the First Week of October of Every Year as Farmers' and Fisherfolks' Week in the Province of Iloilo and Providing Funds Thereof, Thereby Amending Certain Provisions of Provincial Ordinance No. 2018-190" nga gin-author ni Vice Governor Christine "Tingting" Garin kag gin-sponsor ni 2nd District Board Member Rolito Cajilig. Ang ordinansa pagakilalahon bilang "An Ordinance Declaring the First Week of October of Every Year as Farmers' and Fisherfolks' Week in the Province of Iloilo and Providing Funds Thereof. Gin-amendaran ang una nga ordinansa agud nga ilakip ang 'fisherforks' kag gi...

Part 3 sang Committee Hearing sang Committee on Transportation, Communication and Public Utilities sadtong May 8, 2023 sa SP Session Hall kaupod sa mga electric cooperatives kag NGCP. via Sanggunian In Action / FB #iloilonews

Part 2 sang Committee Hearing sang Committee on Transportation, Communication and Public Utilities sadtong May 8, 2023 sa SP Session Hall kaupod sa mga electric cooperatives kag NGCP. via Sanggunian In Action / FB #iloilonews

Part 1 sang Committee Hearing sang Committee on Transportation, Communication and Public Utilities sadtong May 8, 2023 sa SP Session Hall kaupod sa mga electric cooperatives kag NGCP. via Sanggunian In Action #iloilonews

Naghiwat sang Committee Hearing ang Committee on Transportation, Communication and Public Utilities, nga ginapamunuan ni Ex-Officio Board Member Ramon Sullano sang PCL-Iloilo, sa SP Session Hall sang Lunes, May 8, 2023 tuhoy sa nagluntad nga blackout sa isla sang Panay, ilabi na sa probinsya sang Iloilo. Pamatian naton ang paathag nanday Lazaro de la Cruz, Jr., ang District Manager, Visayas Operations and Maintenance sang National Grid Corporation of the Philippines kag Phil Salarza, ang Manager, Construction Projects sang National Grid Corporation of the Philippines tuhoy sa Visayas Substation Upgrading Project (VSUP) 2. via Sanggunian In Action / FB #iloilonews

Naghiwat sang Committee Hearing ang Committee on Transportation, Communication and Public Utilities, nga ginapamunuan ni Ex-Officio Board Member Ramon Sullano sang PCL-Iloilo, sa SP Session Hall sang Lunes, May 8, 2023 tuhoy sa nagluntad nga blackout sa isla sang Panay, ilabi na sa probinsya sang Iloilo. Pamatian naton ang paathag ni Christian Ereño, ang Assistant Vice President and Head of Visayas System Operations sang National Grid Corporation of the Philippines. via Sanggunian In Action / FB #iloilonews

DANTE JOHN SUDARIO ROBLES, GINADAYAW KAG GINAPANGINBULAHAN SANG 14TH SP Gin-aprubahan ang resolution sa 41st Regular Session sang 14th Sangguniang Panlalawigan ng Iloilo nga ginduso ni Ex-Officio Board Member Ma. Angelica Bianca  Requinto-Espinosa, ang PPSK-Iloilo Federation President, bilang sponsor, nga nagadayaw kag nagapanginbulahan kay Dante John Sudario Robles. Ginpresentar ni 3rd District Board Member Matt Palabrica ang nasambit nga resolution. Nahibaluan nga ang Resolution may tigulo "A Resolution Commending and Congratulating Dante John Sudario Robles for Ranking Fourth (4th) in the April 2023 Electronics Technician Licensure Examination". Nahibaluan nga si Dante John Sudario Robles ang graduate sang Iloilo Science and Technology University (ISAT-U) kag ginhingadlan bilang isa sa mga top notchers sa pinakaulihi nga April 2023 results sang Electronics Technician Licensure Examination. Residente sang Mina, Iloilo si Dante John Sudario Robles nga nakaangkon sang 87.00% ...

ELLEN JOY SANGRINES, GINADAYAW KAG GINAPANGINBULAHAN SANG 14TH SP Gin-aprubahan unanimously ang resolution sa 41st Regular Session sang 14th Sangguniang Panlalawigan ng Iloilo nga ginduso ni Ex-Officio Board Member Ma. Angelica Bianca  Requinto-Espinosa, ang PPSK-Iloilo Federation President, bilang sponsor, nga nagadayaw kag nagapanginbulahan kay Ellen Joy Sangrines. Ginpresentar ni 5th District Board Member Binky April Tupas ang nasambit nga resolution. Nahibaluan nga ang Resolution may tigulo "A Resolution Commending and Congratulating Miss Ellen Joy Sangrines for Ranking Ninth (9th) in the April 2023 Midwifery Licensure Exam". Nahibaluan nga graduate si Ellen Joy Sangrines sa Northern Iloilo State University - Estancia Campus kag ginhingadlan nga isa sa mga top notchers sa pinakaulihi nga resulta sang April 2023 Midwifery Licensure Exam. Residente siya sang San Dionisio, Iloilo kag nakaangkon sang 88.7% kag ranked 9th sa April 13-14 nga Professional Regulation Commission (...