Iloilo News and Events

SAN JOAQUIN MOTHER AND CHILD HOSPITAL, GINDUSO NGA MANGIN 25 BED LEVEL-1 GENERAL HOSPITAL Gin-aprubahan unanimously sang mga katapo sang 14th Sangguniang Panlalawigan ng Iloilo nga nagtambong sa 48th Regular Session ang Proposed Resolution No. 2023-06-35 nga ginduso ni 1st District Board Member Marcelo Valentine Serag. Nahibaluan nga ang Proposed Resolution No. 2023-06-35 may tigulo “A Resolution Requesting the Department of Health to Upgrade the San Joaquin Mother and Child Hospital From Infirmary to a Twenty-Five (25) Bed Level–1 General Hospital”. Paagi sa gahum sang Provincial Ordinance No. 2018-191, ang San Joaquin Mother and Child Hospital ginsugpon bilang District Hospital kag ginpahamtang sa idalom sang pagdumala sang Hospital Management Office sang Iloilo Provincial Government. Santu sa Provincial Ordinance No. 2018-191, ang Iloilo Provincial Government kag Municipality of San Joaquin may kasugtanan nga isaylo ang operation sang San Joaquin Mother and Child Hospital sa Iloilo ...

“LIVESTOCK AND POULTRY WEEK CELEBRATION OF ILOILO" ORDINANCE, APRUBADO NA SA THIRD AND FINAL READING SA 48TH REGULAR SESSION SANG 14TH SP Gin-aprubahan na unanimously sa Third and Final Reading sang tanan nga mga katapo sang 14th Sangguniang Panlalawigan ng Iloilo nga nagtambong sa 48th Regular Session ang Provincial Ordinance No. 2023-299. Nahibaluan nga ang Provincial Ordinance No. 2023-299 may tigulo “AN ORDINANCE DECLARING THE LAST WEEK OF APRIL AS THE LIVESTOCK AND POULTRY WEEK CELEBRATION IN THE PROVINCE OF ILOILO AND PROVIDING FUNDS THEREOF.” Ang ordinansa gin-author kag gin-sponsor ni 2nd District Board Member Rolito Cajilig kag gin-co-sponsor nanday 3rd District Board Member Jason Gonzales kag Vice Governor Christine “Tingting” Garin. Ang nasambit nga Provincial Ordinance pagakilalahon bilang “Livestock and Poultry Week Celebration of Iloilo”. Ang probinsya sang Iloilo top producer sang karabaw, baka, kanding, baboy, manok, pato kag iban pa sa gagmay nga mga ugsaran, sa s...

ILEGAL NGA DRUGA SA ILOILO, NAGDATA Nakabati si 2nd District Senior Board Member June Mondejar sa pahayag ni Iloilo Provincial Police Office Director PCol. Ronaldo Palomo nga madata kag maka-alarma ang paglapta sang ilegal nga druga sa probinsya sang Iloilo. Ginsiling sini nga nakibot siya sa sini nga pahayag apang nagapati siya nga posible man ini tungod nakita sang mga drug traffickers, users kag pushers nga daw nahatagan sila sang ligwa sa paghalin ni Presidente Rodrigo Duterte. Nangin maid-id ang kampanya batok sa ilegal nga druga sa panahon ni anay Presidente Duterte kon sa diin madamo ang nagkalamatay, may mga alkalde nga na-link sa ilegal nga druga nga nagkalamatay; may mga drug lords, pushers kag personalities nga nagkalamatay kag may yara man sang nagkaladakpan. Sa sina nga panahon, nangin signipikante ang pagtahaw sang ilegal nga druga indi lang sa probinsya sang Iloilo, kundi lakip sa bug-os nga Pilipinas. Sa karon nga administrasyon ni Presidente Bongbong Marcos, ginalantaw...

BOARD MEMBER JUNE MONDEJAR, NAGAPATI NGA MAY MANABAT NGA ISA UKON DUHA KA 'PLAYERS' SA NATABU SA UNGKA FLYOVER Naka-angay nga hulaton nga masumiter sang third-party consultant nga Adam Abinales Engineering and Consultancy sa sini nga Hunyo 30 tuhoy sa ila ginhiwat nga geotechnical investigation suno kay 2nd District Senior Board Member June Mondejar. Una na nga ginpahayag ni Regional Director Nerie Bueno sang Department of Public Works and Highways Region VI nga magasumiter sang tatlo ka scheme ukon rekomendasyon ang third-party consultant sa pagkay-o sa nag-usmod nga mga poste sang Ungka Flyover. Kasunod sini, pangitaan sang pondo agud matigayon ang pagkay-o. Ginpabutyag ni Mondejar nga maayo lang kon mahingagaw nga mapondohan paagi sa supplemental budget sa sini nga tuig apang kon sa 2024 pa maaprubahan ang pondo, posible nga sa 2025 pa matigayon ang pagkay-o kag magamit ang flyover. Tuhoy naman sa ginasinggitan sang kadamuan nga dapat may manabat sa natabu sa Ungka Flyover, ...

COMMITTEE ON INFRASTRUCTURE, LUYAG NGA IPADAYON ANG UNGKA FLYOVER KAG PASABTON ANG DAPAT MANABAT  Ginapasalamatan ni 4th District Board Member Rolando Distura si Regional Director Nerie Bueno sang Department of Public Works and Highways Region VI, kaupod kay Assistant Regional Director Jose Al Fruto kag iban pa nga bisita nga nagtambong sa committee hearing sang Committee on Infrastructure nga iya ginapamunuan agud nga mahibaluan ang kahimtangan sang kontrobersyal nga Ungka Flyover. Ginpabutyag sini nga nahibaluan sa hearing nga ang kontrata sang third-party consultant nga Adam Abinales Engineering and Consultancy matapos sa Hunyo 30, 2023 kag diri mahibaluan kon ano ang kabangdanan ukon kakulangan nga nakita kag mangin rekomendasyon, kag sa tatlo sini isa ang pilion kag kapin sa 250 milion pesos ang kinahanglanon para diri. Ginpahayag ni Distura nga ang tindog sang iya komitiba amo nga dapat padayunon ang proyekto, pangitaan sang pondo kag dapat may manabat tungod kwarta ini sang ...

PROVINCIAL FINALISTS SANG LUPONG TAGAPAMAYAPA INCENTIVES AWARDS (LTIA), GINADUSO NI BOARD MEMBER PAES NGA HATAGAN SANG REWARDS KAG RECOGNITION  Nagduso si Ex-Officio Board Member Dorothy Paes, ang Liga ng mga Barangay - Provincial Federation President, sang ordinansa nga nagatuyo nga maghatag sang rewards kag recognition sa mga provincial nominees sang Lupon Tagapamayapa. Nahibaluan nga naghiwat sang Committee Hearing ang Committee on Barangay Affairs nga ginapamunuan ni Ex-Officio Board Member Dorothy Paes, Liga nga mga Barangay - Provincial Federarion President, sadtong Huwebes, Mayo 25, 2023, sa SP Session Hall, Iloilo Provincial Capitol. May kaantanan ini sa ginaduso niya nga ordinansa nga iya gin-author nga Proposed Provincial Ordinance No. 2022-11-15 nga may tigulo “AN ORDINANCE GIVING REWARDS AND RECOGNITION TO THE PROVINCIAL FINALISTS OF THE LUPONG TAGAPAMAYAPA INCENTIVES AWARDS (LTIA) IN THE PROVINCE OF ILOILO AND APPROPRIATING FUNDS THEREOF”. Ginpabutyag sini nga kada tui...

LIGA PRESIDENT DOROTHY PAES, PABOR NGA MAGPAIDALOM SA DRUG TEST ANG MGA LUYAG MAGPAPILI SA BSKE  Ginhambal ni DILG Secretary Benhur Abalos nga dapat tanan nga magapadalagan ukon magapa-elect sa palaabuton nga Barangay and Sangguniang Kabataan Elections (BSKE) dapat magpaidalom sa drug testing. Ginpahayag ni Ex-Officio Board Member Dorothy Paes, ang Liga ng mga Barangay - Provincial Federation President, nga pabor siya sa sini nga requirement nga ginhatag sang DILG tungod nga bilang public servant dapat mangin modelo sa kabarangayan. Sa iya bahin, wala siya sang dapat kahadlukan mga magpaidalom sa drug test kon indi imbolbado sa sini nga aktibidades. Isa sa makapabaskog sang pagsalig sang pumuluyo sa mga barangay official nga nagapamatok sa paggamit sang ilegal nga druga kon magpaidalom sa sini nga proseso sang drug test. Nagalaum siya nga ipatuman ini sa palaabuton nga eleksyon kag mapatuman sa husto nga proseso, mangin organisado kag mangin patas ang proseso para sa mga aspirante ...

UNGKA FLYOVER, INDI PWEDE NGA PAAGYAN SANG MGA TAWO Ginpangabay ni Ex-Officio Board Member Ramon Sullano, PCL-Iloilo Chapter President, kon pwede mapaagyan sang mga tawo ang Ungka Flyover sa tion nga magbaha sa idalom. Ginatuyo sini nga makalikaw sa baha ang mga pumuluyo kag agud makatabok padulong sa ila destinasyon. Ginapaminsar nila ang sitwasyon sang mga estudyante nga nagatabok gikan sa bahin sang Christ The King padulong sa GT Mall. Nakita nila nga nagalungo si Regional Director Nerie Bueno sang Department of Public Works and Highways Region VI nga nagakahulugan nga indi pwede masakaan ang Ungka Flyover. via Sanggunian In Action / FB #iloilonews

KONSTRUKSYON SANG AGANAN FLYOVER, GINPAUNTAT NI BUENO Ginkumpirmar ni Regional Director Nerie Bueno sang Department of Public Works and Highways Region VI nga iya ginpauntat ang konstruksyon sang Aganan Flyover. Ginpahayag sini nga sang nagsulod siya sa region, nagapadayon ang proyekto. Apang sang natukiban ang problema sa Ungka Flyover, tungod nga nahamtang ang Aganan Flyover sa kaangay nga road line sang Ungka Flyover, napaminsaran niya nga base pareho ang kahimtangan. Wala pa sang pag-usmod ang Aganan Flyover bangud wala pa natapos, wala pa sang deck, wala sang load. May yara sang hingyo ang mga empleyado sa region, antes siya nagsulod, nga islan ang desinyo sang girder bangud 50 metros ini kag tuman ka laba, kag para sa ila indi sila komportable sa desinyo. Bangud sini, napinsaran niya nga idungan ang Aganan. Ginhingyo niya sa central office nga iupod sa Ungka ang paghimo sang review sa design sang Aganan bisan wala man ini sang problema.     Ginsiling sini nga nakapa...

DIPERENSYA SA UNGKA FLYOVER, NAKITA SANG NAGHIWAT SANG APAT KA BORE HOLES ANG DPWH-6 KAG TUHAY ANG RESULTA SA GINHATAG SANG ORIHINAL NGA CONSULTANT Matapos ang isa ka tuig nga nakumpleto ang first phase ukon ang pile, ginbaton kag nabayaran na sing lubos sang DPWH-6. Ginpahayag ni Regional Director Nerie Bueno sang Department of Public Works and Highways Region VI nga nagpati siya nga nabase ini sa plans and specifications tungod ini man ang ginpirmahan sang ginbuslan niya nga former regional director nga nagbaton sang phase 1.  Tuhoy naman sa phase 2, nakumpleto na ini apang sang nagsulod siya bilang regional director indi pa ini fully paid rason nga iya ginpauntat ang pagbayad tungod nga may ihibalo siya nga may diperensya nga istruktura. Sa bahin sang phase 3, halos kumpleto na ukon 98% substantially completed na apang iya man ginpauntat ang bayad. Daku na ang dapat kolektahon sang kontraktor sa ila, apang bangud may problema gani iya nga ginpauntat ang payment. Agud nga makita ...

DUHA KA FLYOVER, NAGATUGA SANG 'MONSTROUS TRAFFIC' SA MGA PUMULUYO Ginsaysay ni 3rd District Board Member Matt Palabrica ang kabudlay nga ginabatas sang iya kabataan nga mga estudyante, lakip ang iya personal nga eksperyensya sa tagsa adlaw nga maglabay siya sa bahin sang Ungka kon sa diin nahamtang ang flyover. Ginpahayag sini nga maayo karon nga may two-lanes na nga mas nagligwa na ang dalan kag medyo nagsulhay na ang ilig sang trapiko. Apang base sa eksperyensa niya kag sang iya kabataan, dapat may manabat sa sini nga problema. Nagapadulong na sa senaryo sa pagsolbar sang problema, apang si sin-o ang manabat.  Ginsiling sini nga nagakaangay lamang nga hingyuon ang bulig sang 'higher level of legisative body' sa pagsuporta sa ila ginahimo nga committee hearing 'in aid of legislation'. Ila man ginalantaw ang mangin masunod nga tikang sang 14th SP bangud yara sila nga magasuporta.  Madugay na ang problema kag tuman na kalawig ang ila pagtililipon nga naugtas, an...

BUENO, GINAPASALAMATAN ANG IKA-APAT NGA SCHEME NI ENGR. JARDELEZA Ginapasalamatan ni Regional Director Nerie Bueno sang Department of Public Works and Highways Region VI si Engr. Nilo Jardeleza sa iya ginatan-ay nga ikaapat nga scheme. Ginpahayag sini nga mas maayo nga may madamo nga ideya kon paano masolusyunan ang problema, ilabi na nga si Engr. Jardeleza ang yara man sadto sang ginpresentar sang Adam Abinales Engineering and Consultancy ang iya mga scheme. Ginsiling sini nga isa sa mga problema amo nga kon maglubong sang pile, kinahanglan nga kakason ang deck sa ibabaw tungod nga indi mag-igo ang equipment nga gamiton, kag kon may vibration mangin apektado ang structure. Samtang, ginpabutyag man ni DPWH Assistant Regional Director Jose Al Fruto nga manami nga nagabinuligay ang mga civil engineers, ilabi na diri sa Iloilo. via Sanggunian In Action / FB #iloilonews

ENGR. NILO JARDELEZA, NAGDUSO SANG IKA-APAT NGA SCHEME Ginduso ni Engr. Nilo Jardeleza ang ika-apat nga scheme nga nasandig sa iya kaalam nga posible mangin solusyon sa problema sang Ungka Flyover. Nahibaluan nga nagtan-ay sang tatlo ka scheme ang consultant nga Adam Abinales Engineering and Consultancy angot sa iya ginhiwat nga geo-technical investigation agud nga masolusyunan ang pag-usmod sang Ungka Flyover. via Sanggunian In Action / FB #iloilonews

UNGKA FLYOVER, MA-TENGGA (STANDBY) KON INDI MAPONDOHAN PARA MAKAY-O Nagpahayag si 2nd District Board Member Rolito Cajilig sa committee hearing sang Committee on Infrastructure tuhoy sa kahimtangan sang Ungka Flyover nga ang ila ginahimo 'is in aid of legislation' kag kon kinahanglan nga magpasar sang resolution agud hingyuon sa national governnment nga painan sang pondo agud nga makay-o na ang flyover, ila ini nga himuon bilang bulig. Ginpahayag sini nga padayon nga magadugay kon masami man nga mangita sang sala sa kon kay sin-o. Ginabasol sang pumuluyo ang mga tawo nga yara sa gobyerno tuhoy diri.  Ginapamangkot sini kon ano ang plano sang DPWH pagkatapos sang geo-technical investigation. Ginpabutyag ni Regional Director Nerie Bueno sang Department of Public Works and Highways Region VI nga kon mabaton na nila ang report, lakip na diri ang plano kag tanan nga himuon. Ginsiling sang consultant nga may tatlo ka scheme nga pagapilian. Nagadepende na sa central office kon ano nga...

IBC, WALA DIREKTA NAKASABAT KON MAY PERMIT SILA GIKAN SA DENR SA PAGHIWAT SANG JET GROUTING   Nagapasalamat si Regional Director Nerie Bueno sang Department of Public Works and Highways Region VI sa pagpaalinton ni Ex-Officio Board Member Ramon Sullano, ang PCL-Iloilo Chapter President, tuhoy sa epekto sang ginhiwat nga jet grouting sa mga poste sang Ungka Flyover. Ginpahayag sini nga sa ila bahin sa DPWH-6, wala sila sang may ginkwa nga permit gikan sa DENR tungod nga ang interbensyon nga jet grouting inisyatibo sang kontraktor nga IBC, kag wala ang DPWH naghatag sang instruksyon sa ila nga himuon ini tungod nga ang DPWH-6 wala sang kapabilidad sa sini nga teknolohiya sa pagtuad kon mangin epektibo ini. Sa tuyo sang kontraktor nga masalbar ang istruktura, naghimo sila sang inisyatibo paagi sa pagpangita sang iban nga consultant kon ano ang himuon agud mapunggan ang pag-usmod agud mapuslan ang istruktura. Wala sang ideya si Bueno kon nagkwa sang permit sa DENR-6 ang konraktor,...

JET GROUTING NGA GINHIWAT SA UNGKA FLYOVER, MAY EPEKTO SA PALIBOT  Ginpaalinton ni Ex-Officio Board Member Ramon Sullano, ang PCL-Iloilo Chapter President, sa ginhiwat nga committee hearing sang Committee on Infrastructure tuhoy sa kahimtangan sang Ungka Flyover, ang nangin epekto sang ginhiwat nga jet grouting sa piers 4, 5 kag 6. Ginpahayag sini nga nagbaho ang source of water ukon deep well kag pagkatapos sang ginhiwat nga jet grouting wala na sang tubig nga naggwa gikan sa ila deep well ukon nahubsan. Angot sini, ginpaathag ni Engr. Nilo Jardeleza nga base sa datus sang drilling gikan sa ibabaw padalom sa kapin 10 metros may yara sang 'body of water' ukon unconfined aquifer nga kapin sa 30 metros ang kadalumon kag pagkatapos sini may yara sang impervious layer lake nga nagapugong sa tubig gikan sa unconfined aquifer ukon tuburan, nga nagaseparar sa confined kag unconfined aquifer nga may 10 metros ang kadalumon. Nagakahulugan nga sa idalom may labnang pa ukon labnoy. Ginsil...

VERTICAL DISPLACEMENT DATA SANG UNGKA FLYOVER, GIKAN MISMO SA GINAHIWAT NGA SURVEY SANG DPWH-6 Namangkot si Ex-Officio Board Member Ramon Sullano kon sa diin naghalin ang report nga ginpagwa sa mga katapo sang media tuhoy sa resulta sang imbestigasyon sang third-party consultant, nga amo man ang nagduso sa ila nga hingyuon ang opisyal nga resulta sang imbestigasyon. Ginpahayag ni Regional Director Nerie Bueno sang Department of Public Works and Highways Region VI nga gikan mismo sa ila sa DPWH-6 ang datus tuhoy sa vertical displacement sang mga piers sang Ungka Flyover.  Ginsiling sini nga sang tion nga ginreport sa iya ang tuhoy sa flyover, kada semana ginapa-survery niya agud makita niya kon dalayon ini nga naga-usmod. Ini ang kabangdanan kon ngaa may nakwa sila nga datus, kon pila ang gin-usmod sang piers 4, 5, kag 6 kag ang iban pa nga piers ang naga-usmod apang minimal lamang. Ginpabutyag sini nga ang may pinakadaku nga displacement amo ang piers 4, 5 kag 6 kag ang ini nga dat...

DPWH REGIONAL DIRECTOR NERIE BUENO, GINPA-SURVEY ANG UNGKA FLYOVER MATAPOS NATUKIBAN NGA MAY DIPERENSYA  Ginpahayag ni Regional Director Nerie Bueno sang Department of Public Works and Highways Region VI nga ang Bureau of Design sang DPWH Central Office ang nagkomisyon sa United Technologies Consolidated Partnership ang naghimo sang structural design kag naghiwat sang go-technical investigation sa Ungka Flyover project.  Pagkatapos nga nakumpleto sang UTCP ang iya kontrata, ginhatag ini sa DPWH-6 para sa implementasyon. Namangkot si 5th District Board Member Carol-V Espinosa-Diaz kon may yara sang ginsumiter nga variation report kag kon bala nasunod gid ang structural design sang proyekto. Nagsabat si Bueno nga nagapati siya nga nasunod. Ang Ungka Fly over ginhimo sa tatlo ka phases, ko sa diin ang first phase nabaton na sang DPWH kag sa 'acceptance' nakabutang nga nakumpleto na kag nahuman na base sa plano kag specification. Ang phase 1 yara sa idalom sang duta kag makita man...

UNITED TECHNOLOGIES CONSOLIDATED PARTNERSHIP, NAGHIMO SANG STRUCTURAL DESIGN KAG NAGHIWAT SANG GEO-TECHNICAL INVESTIGATION SA UNGKA FLYOVER PROJECT Ginkumpirmar ni Regional Director Nerie Bueno sang Department of Public Works and Highways Region VI nga ang United Technologies Consolidated Partnership ang naghimo sang structural design kag naghiwat sang go-technical investigation sa Ungka Flyover project. Una nga nagpamangkot tuhoy diri si 2nd District Senior Board Member June Mondejar kag nagsabat si Bueno nga ang una nga kontraktor ang tuhay sa karon nga kontraktor ukon third-party consultant nga Adam Abinales Engineering and Consultancy nga naghiwat sang imbestigasyon. Ginsiling sini nga ang kontrata sa Abinales amo lamang ang pagtukib sa mga depekto kag ang pagtan-ay sang mga suhestyon ukon angay nga mangin interbensyon agud makorehiran ang depekto sa proyekto. Naghiwat sang Committee Hearing ang Committee on Infrastructure nga ginapamunuan ni 4th District Board Member Rolando Distu...

DPWH-6, GINAPANGITAAN SANG PAAGI NGA MAGAMIT ANG UNGKA FLYOVER KAG MAPASABAT ANG MAY KAPALTAHAN Nagdesisyon si Regional Director Nerie Bueno sang Department of Public Works and Highways Region VI nga magtambong sa Committee Hearing sang Committee on Infrastructure takna ala 1:00 sang hapon, Biernes, Hunyo 2, 2023 sa Session Hall sang Sangguniang Panlalawigan sa Iloilo Provincial Capitol tungod wala siya iban nga appointment kag natalan nga padulungan, ilabi na nga masami siya nga nagapadulong sa Manila ukon may iban nga appointment. Ginpahayag ni Bueno nga iya gindesignar si Assistant Regional Director Al Fruto bilang spokesperson tuhoy sa Ungka Flyover tungod nga yara na ini siya sa pag-umpisa pa lang sang proyekto. Ginpahibalo sini nga sang nagsulod siya bilang regional director, ginbuksan na ang Ungka Flyover kag ang ginasiling  nga displacement ang natukiban na pila ka bulan na antes iya nagsulod sa DPWH-6.  Ginpabutyag sini nga bisan wala pa sa iya panahon ang pagtuhaw sa...

KAHIMTANGAN SANG UNGKA FLYOVER, MAATHAG NGA NATALAKAY SA COMMITTEE HEARING SANG SANGGUNIANG PANLALAWIGAN Naghiwat sang Committee Hearing ang Committee on Infrastructure nga ginapamunuan ni 4th District Board Member Rolando Distura tuhoy sa kahimtangan sang Ungka Flyover takna ala 1:00 sang hapon, Biernes, Hunyo 2, 2023 sa Session Hall sang Sangguniang Panlalawigan sa Iloilo Provincial Capitol. Nangin mapuslanon, puno sang kaathagan kag matahway ang pagplastar sang mga punto ka nangibabaw ang pagka-sampaton kag dungganon sang tanan nga nagpakigbahin nga mga tag-alagad sang pumuluyo. Katuyuan sini nga tukibon ang mga ideya nga makabulig sa pagsolbar sa problema, kinahanglan nga magbinuligay ang kada isa. Luyag man athagon sang mga katapo sang 14th SP kon ano na ang sitwasyon sang Ungka Flyover, kon ano ang plano para diri, kon diin kwaon ang 250 million pesos nga ginapasuni kinahanglan nga dugang nga pondo para sa pagkay-o sini. Ginpabutyag sini nga dapat masolusyunan, mapadayon kag mata...

LIGA NG MGA BARANGAY, MAGAHIWAT SANG NATIONAL ASSEMBLY UMPISA SA HUNYO 3 TUBTOB HUNYO 12 SA PALAWAN Magahiwat sang National Assembly ang Liga ng mga Barangay sa bug-os nga pungsod umpisa sa Sabado, Hunyo 3, 2023, tubtob sa Lunes, Hunyo 12, 2023 didto sa Puerto Princesa City, Palawan. Ginpahayag ni Ex-Officio Board Member Dorothy Paes, ang Liga ng mga Barangay - Provincial Federation President, nga bangud tuman ka damo sang barangay kag diri pa lang sa probinsya sang Iloilo may yara na sang 1,721 ka barangay nga indi maakomodar sa isa lang ka venue kag isa lang ka hugnat. Ginsiling sini nga nangin malawig ang hiwaton nga national assembly tungod nga ila ini ginpahat-pahat sa tatlo ka batch kag didto hiwaton sa Puerto Princesa City, Palawan tungod isa ini ka Clustered General Assembly. Gilayon man sini nga ginpalab-ot sa mga Liga Chapters president ang iya nabaton nga sulat gikan sa Liga National, nga nagpaalinton man sa mga punong barangay nga luyag nga magtambong kag sa mga may pondo p...