Iloilo News and Events

Look at the situation of Panay island after the onslaught of TS Paeng. Tactical Operations Group 6 took the pictures.

ERPAT ORDINANCE SANG PROBINSYA SANG ILOILO, APRUBADO NA Gin-aprubahan na sa Third and Final Reading sa ginhiwat nga 17th Regular Session sang 14th Sangguniang Panlalawigan ng Iloilo ang Provincial Ordinance No. 2019-195 ukon ang “ERPAT Ordinance of the Province of Iloilo”. Ang ordinansa gin-sponsor ni Vice Governor Christine "Tingting" Garin kag co-sponsor si 2nd District Senior Board Member June Mondejar. Katuyuan sang ordinansa nga mapasanyog kag mapabakod ang parenting capabilities sang Filipino Fathers sa pagtuman sang ila mga katungdanan kag mga responsibilidad bilang ginikanan. Mabuligan ang mga amay nga makahibalo sa ila katungdanan sa pagpasad sang drug-free family; pagduso nga mahangpan kag matapna ang HIV-AIDS; kag aktibo nga magpakigbahin sa mga aktibidades may kaantanan sa Disaster Risk Reduction and Management Response. Mahimo nga makahatag ang Provincial Government kag component Municipalities/City sang livelihood program kag job opportunities sa ERPAT Members,

Gin-aprubahan ang resolution sa ginhiwat nga 17th Regular Session sang 14th Sangguniang Panlalawigan ng Iloilo nga nagadayaw kag nagapanginbulahan sa mga nagtiglawas sa Pilipinas sa ASEAN Football Federation (AFF) Boys Championships 2022 kag Asian Football Confederation Asian Cup (AFC) 2022. Nahibaluan nga ang resolution may tigulo "RESOLUTION CONGRATULATING AND COMMENDING TOMMY BEDIA ESCOLTERO, JAIME ROSQUILLO, KENT JELOU BERNASOL BELGIRA, AND NOVIE CHRISTIAN SOLIS PARAISO, ALL FROM BAROTAC NUEVO, ILOILO FOR REPRESENTING THE PHILLIPINES IN THE ASEAN FOOTBALL FEDERATION(AFF) BOYS CHAMPIONSHIP 2022, AND ASIAN FOOTBALL CONFEDERATION ASIAN CUP (AFC) 2022" nga gin-sponsor nanday 4th District Board Member Domingo B. Oso, Jr. kag Ex-Officio Board Member Dorothy Paes sang Liga ng mga Barangay kag co-sponsor si 4th District Board Member Rolando Distura. Nahibaluan nga ang ASEAN Football Federation(AFF) U19 Boys Championship 2022 ginhiwat sa Bekasi —Jakarta, Indonesia sadtong Hulyo 2-

Matinahuron nga ginarekomendar sang Committee on Ordinances, Legal Matters and Inter-Government Relations nga ginapamunuan ni 2nd District Senior Board Member June Mondejar sa 16th Regular Session sang 14th Sangguniang Panlalawigan ng Iloilo nga adoptaron ang iya committee report kag ang Proposed Provincial Ordinance No. 2022-09-12 iga-kalendaryo sa Second Reading sa masunod nga Regular Session Nahibaluan nga ang Proposed Provincial Ordinance No. 2022-09-12 may tigulo "An Ordinance Banning the Sale, Rental, Transfer, Distribution, Manufacture, and/or Production of Pirated, Counterfeit, or Fake Goods, or Drugs/Medicines and for Other Purposes" nga ang sponsor amo mismo si 2nd District Senior Board Member June Mondejar. Gin-refer sa komitiba ang natumod nga Ordinansa durante nga ginahiwat ang 13th Regular Session sang 14th SP kag ginpadala sang SP Secretariat sa Chairman sang sini nga komitiba sadtong September 28, 2022 'for study, report and recommendation'. Naghiwat s

Nagpadala sang sulat si Land Bank of the Philippines (LANDBANK) President and CEO Cecilia C. Borromeo sa mga katapo sang 14th Sangguniang Panlalawigan ng Iloilo bilang sabat sa gin-aprubahan nga resolution nga nagahingyo nga padasigon ang pag-release sang financial assistance para sa mga mangunguma. Suno kay Borromeo nga sadtong Septiembre 20, 2021, ginrekomendar sang Land Bank of the Philippines ang pag-usar sang yara na nga Rice Farmer Financial Assistance (RFFA) program cash cards sang mga mangunguna agud nga mapadasig ang pag-release sang cash assistance sa mga  benepisyaryo sang programa. Gintan-ay man sa DA ang pag-usar sang Unconditional Cash Transfer ukon UCT cash cards, gintan-ay man ang pag-usar sang  prepaid cash cards sang mga yadtong PhilSys ID Registration, kag over-the-counter distribution paagi sa Land Bank Servicing Branches. Apang, mas ginpili sang Department of Agriculture ang paggamit sang Intervention Monitoring Card ukon IMC kabangdanan nga naatrasar ang paghatag

Gin-refer sa Committee on Agriculture ang ginduso nga resolution ni 2nd District Board Member Rolito Cajilig sa ginhiwat nga 16th Regular Session sang 14th Sangguniang Panlalawigan ng Iloilo. Ginatuyo sini nga magbalay sang ordinans agud nga ma-contain kon indi man lubos nga mapapas ang African Swine Fever virus sa probinsya sang Iloilo. Ginpresentar sini ang kahimtangan sang hog industry ilabi na nga may positibo nga kaso sang ASF virus sa banwa sang Oton, Iloilo. Ginsiling sini nga una nga natumod nga may kaso sang African Swine Fever virus sadtong Biernes, Oktubre 7, 2022, sa Brgy. Bita Norte, Oton, Iloilo. Gilayon nga ginhiwat ang PCR test agud nga matumod kon may presensya sang virus. Sadtong Oktubre 10, 2022, naggwa ang resulta nga positibo sa presensya sang ASF virus. Matapos mauyatan ang kumpirmado nga report, si Dr. Daryl Tabuada, sang Provincial Veterinary Office, gilayon nga nagpatuman sang African Swine Fever Contingency Plan paagi sa paghiwat sang depopulation sang mga ape

Vice Governor Christine "Tingting" Garin congratulates the Iloilo Provincial Agriculture  Office, thru the able leadership of Dr. Ildefonso Toledo, on the successful holding of the first  Farmers' Week celebration. In the radio program Sanggunian In Action, Vice Governor Garin explained that the  holding of Provincial Farmers" Week was based on Provincial Ordinance No. 2018-190  which declares the first week of October every year as Farmers' Week. The ordinance was authored and passed thru the effort of 1st District Board Member  Marcelo Valentine Serag when he was still the chairman of the Committee on Agriculture", Garin  said. Due to COVID-19 pandemic, she said, the celebration was not realized but now she was  happy that the ordinance was implemented. The good thing about the celebration was the  focus given to the farmers and fisher folks whose sector is so important. "The celebration of Farmers' Week is a way of letting the farmers and fisher

Ginapanginbulahan sang 14th Sangguniang Panlalawigan ng Iloilo sa ginhiwat nga 16th Regular Session ang MB Dance Academy of Iloilo sa pagpasakop sa 5th Kuching International Dance Festival 2022 nga ginhiwat sa Kuching, Sarawak, Malaysia. Ginduso ni 4th District Board Member Rolando Distura bilang sponsor ang resolution nga may tigulo "A RESOLUTION COMMENDING MB DANCE ACADEMY OF ILOILO FOR BEING INVITED TO JOIN THE 5TH KUCHING INTERNATIONAL DANCE FESTIVAL 2022 HELD IN KUCHING, SARAWAK, MALAYSIA" kag nangin co-sponsor ang tanan nga katapo sang 14th SP. Nahibaluan nga ang MB Dance Academy of Iloilo isa ka sampaton kag tuman ka kilala nga grupo sang manugsaot nga ginatapuan sang mga lamharon kag premyado nga mga manugsaot kag ginapangunahan sang ila Artistic Director nga si Matthew Balbastro. Nangin tiglawas sang Pilipinas ang MB Dance Academy of Iloilo nga nagpasakop sa 5th Kuching International Dance Festival (KIDF) 2022 nga ginhiwat sa Kuching, Sarawak, Malaysia sadtong Oktubr

Ginapanginbulahan sang 14th Sangguniang Panlalawigan ng Iloilo sa ginhiwat nga 16th Regular Session si Police Brigadier General Roderick Augustus Alba bilang bag-o nga Regional Director sang Police Regional Office 7 - Central Visayas. Ginduso ni 4th District Board Member Rolando Distura bilang sponsor ang resolution nga may tigulo "A RESOLUTION CONGRATULATING POLICE BRIGADIER GENERAL RODERICK AUGUSTUS B. ALBA AS THE NEW REGIONAL DIRECTOR OF REGIONAL OFFICE 7 - CENTRAL VISAYAS"kag nangin co-sponsor ang tanan nga katapo sang 14th SP. Nabun-ag sadtong Agosto 31, 1970 si PBGEN. Roderick Augustus Balaran Alba kag nagdaku sa Brgy. Capuling, Dueñas , Iloilo. Bugal siya sang iya ginikanan nga sanday anay Ramon Vallejo Alba Jr., (Retired Airforce) kag Mrs. Perla Balaran Alba nga retirado nga High School Teacher sang of Dueñas General Comprehensive High School. Gradwado siya sa Philippine National Police Academy (PNPA) "Tagapagpatupad" Class of 1992 kag nangin Officer- in- Ch

Ginapanginbulahan kag ginadayaw sang 14th Sangguniang Panlalawigan ng Iloilo sa ginhiwat nga 16th Regular Session si Jean Gelladuga Badong sa pagpanguna sa Fisheries Technologist Licensure Examination. Ginduso ni 4th District Board Member Rolando Distura bilang sponsor ang resolution nga may tigulo "RESOLUTION CONGRATULATING AND COMMENDING JEAN MARGARET GELLADUGA BADONG, FOR PLACING FIRST IN THE FISHERIES TECHNOLOGIST LICENSURE EXAMINATION ADMINISTERED PROFESSIONAL REGULATION COMMISSION (PRC)", nangin co-sponsor ang tanan nga katapo sang 14th SP. Nagtapos si Jean Margaret G. Badong sang iya Bachelor of Fisheries sa  Iloilo State College of Fisheries (ISCOF) sadtong Agosto 17, 2022 kon sa diin naggradwar siya bilang Cum Laude. Tumandok siya sang Brgy. Poblacion, Caries, Iloilo kag anak nanday Ginoo kag Ginang Joel kag Genevieve Badong. Isa siya ka full scholar sang Bureau of Fisheries and Aquatic Resources (BFAR) umpisa first year tubtub fourth year college kag nakapasar sa Fi

Ginapanugyan sang Sangguniang Panlalawigan sang Iloilo ang padayon nga paggamit sang facemask bisan pa nga nagatahaw na ang kaso sang COVID-19 sa probinsya sang Iloilo. Sa radio program nga Sanggunian In Action, ginpahayag ni 2nd District Senior Board Member June Mondejar nga sadtong peak pa sang COVID-19 sang nakaligad nga Hunyo 2022, nagpasar ang Provincial Board sang Facemask Ordinance nga naga-require sa pumuluyo sa probinsya sang Iloilo sa pag-usar sang facemask samtang yara sa public places, private establishment, kag iban pa nga workplaces, kag sa sulod sang public transportation. Ginsiling sini nga tungod naghagan-hagan ang COVID-19 kag nagkanay ang rate of transmission, nagtulod ini sa ila nga amendaran ang ordinansa. Gindugang sini nga ang amendatory ordinance naga-require sa gihapon sa mga pumuluyo sa probinsya sang Iloilo nga maggamit sa gihapon sang facemask, ilabi na sa indoor sang public places, private estabishments, lakip na ang public transportation sa duta, sa dagat

Sa Enero 21, 2023, bantayan ang magkatuhay nga mga banwa kag mga probinsya sa Western Visayas nga magapasundayag sang ila tagsa ka kaugalingon nga festival paagi sa dance competition sa pagbalik na sang Kasadyahan sa Kabanwahanan. Lantawa ang kabahin sang pagpasundayag sa ginhiwat nga 100 day countdown sang Iloilo Dinagyang 2023 sadtong Oktubre 14, 2022. Bantayan ang iban pa nga aktibidades angot sa sini nga selebrasyon, igadul-ong sa inyo sang Iloilo News and Events. #iloilonews

Nagpasar sang drug-free workplace ordinance ang Sangguniang Panlalawigan sang Iloilo nga nagapasad sang "drug use, prevention and control programs and policies" sang Iloilo Provincial Government kaangay sang pre-employment drug testing, drug abuse awareness and prevention program, authorized drug testing kag employee assistance program nga ginalakipan sang treatment kag rehabilitation sang mga empleyado kag opisyales sang Iloilo Provincial Government nga nagpositibo sa paggamit sang ilegal nga druga. Sa radio program nga Sanggunian In Action, ginpahayag ni 2nd District Senior Board Member June Mondejar nga ang ordinansa naga-require sa iban pa nga opisina sang gobyerno kaangay sang mga Local Government Unit sa idalom sang probinsya sang Iloilo, State Colleges and Universities, Government-Owned and Control Corporation kag pribado nga mga opisina kag establisemyento nga magbalay sang tagsa nila ka "drug use, prevention and control programs and policies" agud masiguro

Ginhiwat sang nagligad nga Miyerkules, Oktubre 12, 2022, ang committee hearing sang Committee on Infrastructure kag Committee on Transportation, Communication and Public Utilities tuhoy sa kahimtangan sang Ungka Flyover. Sa radio program nga Sanggunian In Action, ginpahayag ni 2nd District Senior Board Member June Mondejar nga may duha ka katapo sang Sangguniang Panlalawigan ang nagreklamo tuhoy sa epekto sang pagdiperensya sang Ungka flyover nga nagtuga sang traffic jam kag madamo sang pumuluyo ang nagareklamo sa chairman sang Committee on Transportation tungod sang traffic jam sa bahin sang Ungka flyover. Ginsiling sini nga ang chairman sang Committee on Infrastructure naghiwat sang committee hearing kag ginpamangkot ang tiglawas sang Department of Public Works and Highways Regional Office 6 nga nagsiling nga gina-imbestigar ini karon sang Bureau of Design sang DPWH. Gindugang sini nga kon ano ang mangin resulta sang imbestigasyon amo man ang mangin basehan sang solusyon kag kon ano

Ginapangabay ni 2nd District Senior Board Member June Mondejar ang bulig kag kooperasyon sang pumuluyo para sa madasig nga pagsolbar sang mga nagluluntad nga krimen sa probinsya sang Iloilo. Sa radio program nga Sanggunian In Action, ginpahayag sini bilang chairperson sang Committee on Public Order and Security sang 14th Iloilo SP nga may mga insidente nga nagluntad sa Lambunao, sa Carles, sa Dingle kag sa Estancia nga ang pinakaulihi nga impormasyon nga may mga suspek na ang kapulisan sa nagkomiter sang krimen sa Estancia, Iloilo. Ginahingyo sini sa mga pumuluyo nga may ihibalo sa sini nga mga insidente nga magkooperar sa kapulisan agud nga masolbar ang krimen. Gindugang sini nga wais na ang mga kriminal tungod naantisipar na nila ang mangin hulag kag tungod sini nabudlayan man ang kapulisan. Dapat magbinuligay agud nga indi na magsige-sige ang insidente kag mamentinar ang kalinong kag katawhay sa probinsya sang Iloilo. via Sanggunian In Action #iloilonews

Nagsugod na ang 100 day countdown sang Iloilo Dinagyang 2023 sadtong Oktubre 14, 2022. Mabatyagan na ang paglinagumba sang mga tambor, makita ang mga mapagsik nga duag, kag ang masinadyahon nga palibot. Sa Disyembre 16, 2022 hiwaton ang Pamukaw. Sa Enero 13, 2023 ang Opening Salvo. Bantayan ang iban pa nga aktibidades angot sa sini nga selebrasyon, igadul-ong sa inyo sang Iloilo News and Events. #iloilonews

Gin-aprubahan sa 15th Regular Session sang 14th Sangguniang Panlalawigan ng Iloilo ang resolution nga ginduso ni 3rd District Board Member Matt Palabrica. Nahibaluan nga ang resolution may tigulo "RESOLUTION REQUESTING DEPARTMENT OF AGRICULTURE TO PROVIDE ADDITIONAL HYBRID RICE SEED SUBSIDY FOR THE PROVINCE OF ILOILO FOR 2023". Sa sini nga tuig, ang National Rice Program sang Department of Agriculture nagalantaw nga magalab-ot sa 19.50 million metric tons ang palay output kag agud nga madugangan ang produksyon sa palay sang pungsod ang DA, santu sa mandu ni Presidente Ferdinand Marcos, Jr., magapanagtag sang de kalidad nga mga binhi, fertilizer discount vouchers, biofertilizers, kag farm machinery and equipment sa mga mangunguma. Nagpanagtag sang hybrid rice subsidy ang Department of Agriculture sa sini nga tuig sa probinsya sang Iloilo nga nagasakop sa katumbas sang 69,000 ka ektarya sang humayan apang sa masunod nga tuig kapin lang sa 800 ka ektarya sang humayan ang matagta

PET ANIMALS, ANGAY MAN NGA ATIPANON SA PANAHON SANG KALAMIDAD Gin-refer na sa Committee on Disaster Risk Reduction and Management nga ginapamunuan mismo ni 4th District Board Member Rolando Distura ang iya nga Proposed Provincial Ordinance No. 2022-09-10 nga may tigulo "An Ordinance Establishing Evacuation Centers for Animals During Natural Disasters and Calamities, Appropriating Funds Thereto, and for Other Purposes". Sa radio program nga Sanggunian In Action, gina-amat-amat na niya tumod ang posible nga mangin resource persons tungod ang iya ginaduso nga ordinansa ang nagasantu sa RA 8485 ukon ang Animal Welfare Act of 1998, as amended by RA 10631. Ginsiling sini nga tinutuyo sang iya ginaduso nga ordinansa nga kon mahimo mangin holistic, comprehensive, integrated kag proactive sa pag-atubang sa mga kalamidad, kag may kaantanan sa mga kasapatan. Ginaathag sini nga ang ginatukod nga kasapatan amo ang mga pet kaangay sang mga ido, mga kuring, mga pispis kag iban pa. Gintumod

Ginhiwat ang opisyal nga pagsugod sang 100 days before Iloilo Dinagyang 2023 sa South Point, SM City sini nga Oktubre 14, 2022. Nahibaluan nga ang Iloilo Dinagyang Festival hiwaton sa Enero 13 tubtub 22, 2023. Matapos ang duha ka tuig nga wala nakahiwat sang face-to-face celebration sang Iloilo Dinagyang Festival, liwat nga makita nga excited na naman ang tanan tuhoy sa pagbalik sang grandest festival sa pungsod. Ang Iloilo Dinagyang Festival mangin bigger, bolder, and brighter sa 2023! #iloilonews

Ginakalipay ni 4th District Board Member Rolando Distura ang pagbalik na sa new normal sa pagsaulog sang tuigan nga cultural activities sang kabanwahanan, sadto ang Anihan Festival sa Dueñas kag karon ang Haw-as Festival sa Dumangas. Sa radio program nga Sanggunian In Action, ginpahayag sini nga iya ginsuguran ang festival sa ngalan nga Pahaw-as sadtong siya pa ang alkalde sang banwa, apang sang ulihi ginhimo nga Haw-as Festival nga nagapabilin na tubtub karon sa sini nga ngalan. Ginsiling sini nga ginahiwat ini sa tagsa ka katapusan sang bulan sang Oktubre kag may lima ka guban nga nagapaindis-indis sang ila street dancing kag ginapasundayag man diri ang agro-industrial products sang banwa sang Dumangas. Gindugang sini nga 100 percent ang iya suporta sa sini nga hilikuton, sa kay Mayor BJ Biron, mga opisyales sang banwa kag sa mga kapitanes. Ginpabutyag sini nga may pondo nga iga-download para sa banwa apang magaagi ini sa mga barangay nga wala sang problema sa liquidation tungod nga

Magahiwat sang joint committee hearing ang Committee on Infrastructure, bilang lead committee, nga ginapamunuan ni 4th Distriict Board Member Rolando Distura kag Committee on Transportation, Communication and Public Utilities nga ginapamunuan ni Ex-Officio Board Member Ramon Sullano sang PCL-Iloilo, sa Miyerkules, Oktubre 12, 2022 takna alas 1:30 sang hapon sa Session Hall. Sa radio program nga Sanggunian In Action, ginpahayag sini nga nakapadala na siya sang imbitasyon sa mga resource persons kaangay sang DPWH, ang kontraktor, ang NEDA, kag ang tanan ginaagda nga magtambong. Ginsiling sini nga tuyo sang sini nga lihok nga maathagan ang kahimtangan sang proyekto kag makabulig sa pagpahibalo sa mga pumuluyo nga ang temporaryo nga pagpasarado sang Ungka Flyover para sa safety sang pumuluyo. Gindugang sini nga posible may nakita ang DPWH nga pag-usmod sa 3 ka haligi sa 16 ka mga haligi sang flyover. Ang proyekto wala pa na-turnover sa DPWH. Tuyo hibaluon kon may problema sa desinyo kag ko

Gintumod na sang 3rd Infantry (Spearhead) Division sang Philippine Army, paagi sa iya 303rd Infantry Brigade, sang Lunes, Oktubre 10, 2022, ang ngalan sang duha ka mga suldado nga nagsakripisyo sang ila kabuhi para sa kalinong sang Himamaylan City, Negros Occidental. Ginkilala sang 303rd Brigade ang mga napatay nga sanday Corporal Christian Drilon, tumandok sang San Enrique, Iloilo, kag Corporal Rex Verde, tumandok sang Guimaras. Napatay ang duha ka suldado sang 94th Infantry Battalion kasunod sang mga serye sang mga engkwentro batok sa CPP-NPA Terrorist sa Barangay Carabalan, Himamaylan City, Negros Occidental, umpisa Oktubre 6 tubtub 8, 2022. Nasamaran man ang anum ka mga suldado, samtang kapin sa anum man ang ginapatihan nga napatay sa bahin sang NPA Terrorist tungod sa mga madamo nga mantsa sang dugo nga nakita sa tagsa ka encounter site. Samtang, ginpangunahan ni Department of National Defense Secretary Undersecretary Jose Faustino Jr. ang pagsab-it sang Wounded Personnel Medal sa

Dapat mahangpan sang mga konsumidor nga ang pagsaka sang bili sang kuryente ang tuga sang mahal nga generation charge bangud nga nagmahal man ang mga ginakwaan sang kuryente. Ginpahayag ni Mr. Niel Parcon, ang Vice President for Corporate Planning and Regulatory sang MORE Power nga kapin lang sa 15% sang billed amount ang nagakadto sa MORE Power kag kapin sa 60% nagakadto sa power generator. Nagakahulugan nga 15 sentimos lang sa kada peso ang nagakadto sa MORE Power kag kapin sa 60 sentimos ang nagakadto sa power generator. Sayuron pa, nangin tagkolekta lang ang MORE Power sa mga balayran nga para sa generation kag transmission charges, lakip na ang buhin para sa buhis kag iban pa. Ginsiling sini nga sadto halos gamay lang ang ginakwa sa geothermal plant tungod nga mas barato kag dagaya ang kuryente gikan sa coal plant apang sang nagmahal ang coal didto kag nagbatyag ang tanan kag halos tanan nga distribution utilities ang apektado, bisan pa ang mga electric cooperative. Sa nakalipas n

Nasakote ng mga pulis ang apat na construction worker ganap na ala una ng hapon sa Village 2, Anaros Subdivision, Brgy. Calajunan, Mandurriao, Iloilo City sa isinagawang drug operation at narekober sa kanila ang suspected shabu na nagkakahalaga ng 1 million pesos. Nakakulong na ngayon sa Mandurriao Police Station ang mga nahuli na sina  Reynaldo Cabintoy, 34-years old, ng Brgy.Veterans Village, Iloilo City; Nicanor Tremucha, 41-years old, ng Brgy.Guzman, Mandurriao, Iloilo City;  Ivan Tacdoro, 33-years old ng Brgy. Sooc, Arevalo; at Richard Selerio, 30-years old, ng Brgy. Guzman, Mandurriao. Nakabili ang undercover personnel ng Regional Drug Enforcement Unit (RDEU) ng labin-dalawang libong pisong halaga ng suspected shabu. Narekober din ng mga pulis ang 150 grams ng suspected shabu nga nagkakahalaga ng 1 million pesos. Ang main target ng operation na si Cabintoy ay nakunan ng caliber .22 revolver na may bala. #iloilonews

Naggwa sa committee hearing nga ginhiwat sang Joint Committee nga ginapangunahan sang Committee on Economic Affairs and Investment nga ginapamunuan ni 3rd District Board Member Jason Gonzales nga wala sang my gina-uyatan ng datus ang Sugar Regulatory Administration. Ginpahayag sini nga mapuslanon ang mga datus para sa paghimo sang polisa kag desisyon sang Iloilo Provincial Government. Bisan pa ang pagtumod kon may kakulangan sang kalamay ang nagakinahanglan sang datus sa pagpamatuod sini.  Nagtumar sang akto ang Joint Committee matapos gin-aprubahan ang ginduso nga resolution ni 3rd District Board Member Matt Palabrica nga may tigulo "Enjoining the Honorable Governor Arthur R. Defensor, Jr., Province of Iloilo, Department of Trade and Industry (DTI), Department of Agriculture (DA), and Other Concerned Agencies to Conduct Comprehensive Inspection and Inventory of All Warehouses in the Province of Iloilo Known to Stock Sugar, to Determine that Indeed They Have Adequate Sugar Stocks